الماتى قالاسىنداعى بالالار كولونياسىنا "اقپاراتتىق رەسۋرستىق ورتالىق" قوعامدىق ورتالىعىنىڭ ماماندارى كەلىپ، سوتتالعان بالالارمەن كەزدەسۋ وتكىزدى.
كەزدەسۋدە ورتالىق ءتوراعاسى نۇرجان جاكۋپوۆ پەن حيميالىق تاۋەلدىلىك جونىندەگى مامان ەرلان تاجيبايەۆ جاسوسپىرىمدەرگە ناشاقورلىقتىڭ قۇقىقتىق جانە الەۋمەتتىك زارداپتارى جايلى كەڭىنەن اڭگىمەلەپ بەردى. سونىمەن قاتار تاربيەلىك سيپاتتاعى ديالوگ بارىسىندا بالالار وزدەرىن تولعاندىرعان ساۋالدار قويىپ، پىكىر الماستى.
باس بوستاندىعىنان ايىرۋ ورىندارىندا ەسىرتكى قىلمىسىنا قارسى ءىس-قيمىل جونىندەگى بەكىتىلگەن جوبا اياسىندا ۇيىمداستىرىلعان كەزدەسۋدىڭ ماقساتى – جاسوسپىرىمدەر اراسىندا ەسىرتكى قىلمىسىنا قارسى يممۋنيتەت قالىپتاستىرىپ، ناشاقورلىقتىڭ زياندى سالدارىن ۇعىندىرۋ، سالاۋاتتى ءومىر سالتىن ناسيحاتتاۋ.