الماتى قالاسى، الماتى جانە جەتىسۋ وبلىستارى بويىنشا قاجد-عا قاراستى №11 مەكەمەسىندەگى سوتتالعان بالالار اراسىندا جىر الىبى جامبىل جابايەۆتىڭ تۋعانىنا 178 جىلدىعىنا ارنالعان “XX عاسىردىڭ گومەرى” اتتى ادەبي-كەش وتكىزىلدى، دەپ حابارلايدى Almaty-akshamy.kz.
جازالى بالالار اراسىنداعى كەشتىڭ مازمۇندى وتۋىنە الماتى قالاسىنداعى جامبىل اتىنداعى جاسوسپىرىمدەر كىتاپحاناسىنىڭ قىزمەتكەرلەرى اتسالىستى. جازاسىن وتەۋشى بالالار جامبىلدىڭ “حالىق مەنىڭ شىن اتىم”، “قايتا كەلگەن جاستىق شاق”، “العاداي تۋرالى”، “لەنينگرادتىق ورەنىم”، “بالالارعا” سياقتى ولەڭدەرىن ەكى تىلدە جاتقا وقىدى.
كەش سوڭىندا بالالار اتالعان كىتاپحانا قىزمەتكەرلەرى گاۋحار ارىنوۆا مەن ايدا نۇرجان ۇيىمداستىرعان “جىر الىبى – جامبىل!” اتتى كىتاپ كورمەسىن تاماشالادى. مەكەمەدەگى تاربيە ءبولىمىنىڭ باستىعى ا.بازىلبايەۆا بالالار كولونياسىندا وتەتىن بارلىق ءىس-شارالارعا بەلسەنە ارالاسىپ، ءوز تاراپىنان كومەك كورسەتىپ وتىراتىن كىتاپحانا ۇجىمىنا زور العىس ءبىلدىردى.