الماتىنىڭ ناۋرىزباي اۋدانىنداعى قارعالى وزەنىنىڭ 7،7 شاقىرىم جاعالاۋىن اباتتاندىرۋ جوسپارلانعان
"حالىق قاتىساتىن بيۋدجەت": الماتى قالاسىنىڭ ناۋرىزباي اۋدانىندا قانداي جوبالار جۇزەگە اسىرىلىپ جاتقانى بەلگىلى بولدى
الماتى قالاسىنىڭ ناۋرىزباي اۋدانىندا اعىمداعى جىلدىڭ ءساۋىر ايىندا قوعامدىق كەڭىستىكتەردى جايلاستىرۋ، بالالار سپورت الاڭدارىن سالۋ، كوگالداندىرۋ جانە سىرتقى جارىقتاندىرۋ جەلىلەرىن ورناتۋ ارقىلى ۇزىندىعى قارعالى وزەنىنىڭ 7،7 اقىرىم جاعالاۋىن اباتتاندىرۋ باستالادى. بۇل تۋرالى قالا اكىمى ەربولات دوسايەۆ اۋدان تۇرعىندارىمەن كەزدەسۋدە ايتىپ، جۇمىستاردىڭ اياقتالۋى 2024 جىلدىڭ جەلتوقسان ايىنا جوسپارلانعانىن اتاپ ءوتتى.
بۇدان باسقا، "حالىققا قاتىساتىن بيۋدجەت" (حقب) باعدارلاماسىن ىسكە اسىرۋ اياسىندا جاياۋ-سەرۋەندەۋ، ساياباق ايماقتارىن جايلاستىرۋ، جارىقتاندىرۋ جەلىلەرىن، جول ينفراقۇرىلىمىن سالۋ جانە ت.ب. بويىنشا 40 جاڭا جوبا ىسكە اسىرىلاتىن بولادى. ولاردىڭ ىشىندە "راحات" شاعىن اۋدانىنداعى 1،3 گا سكۆەر، "شۇعىلا" تك اۋماعىنداعى جاياۋ-سەرۋەندەۋ ايماعى، "قارعالى"، "تاۋ سامالى" شاعىن اۋداندارىنداعى 4 بالالار ويىن الاڭدارى بار. 2024 جىلعا بۇل ماقساتتارعا 2،5 ملرد تەڭگە ءبولىندى، دەپ ناقتىلادى قالا باسشىسى.
ەسكە سالساق، 2023 جىلى حقب باعدارلاماسى بويىنشا ناۋرىزباي اۋدانىندا 2،7 ملرد تەڭگەگە اباتتاندىرۋ جونىندە 62 جوبا ىسكە اسىرىلدى. سونىمەن "شۇعىلا" شاعىن اۋدانىنداعى "الما سيتي" تك جانىندا، رايىمبەك داڭعىلى بويىندا جاياۋ-سەرۋەندەۋ ايماعى سالىندى. "قالقامان" شاعىن اۋدانىنداعى 0،7 گەكتاردان اساتىن قاراۋسىز قالعان اۋماقتى اباتتاندىرىلدى، اقجار اقجار ش/ا سكۆەر ىسە قوسىلدى. اباي داڭعىلىنىڭ بويىندا ( ءاشىموۆ كوشەسىنىڭ بۇرىشى) فۋتبول جانە باسكەتبول الاڭدارى، ال "اقجار"، "قالقامان" شاعىن اۋداندارىندا 4 بالالار ويىن الاڭدارى جاسالدى.