ۋاعىزشىلاردىڭ العاشقى فورۋمى استانا ءوتتى.
باس ءمۇفتي جاماعاتقا ادال مەن ارامنىڭ ارا جىگىن اجىراتىپ، جالپاق جۇرتقا ۋاعىز ايتاتىن مولدالاردىڭ تۇعىرناماسىن بەكىتتى، دەپ حابارلايدى Almaty-akshamy.kz.
مۇنداعى باستى ماقسات — ەلدى اداستىرىپ تەرىس جولعا باعىتتاعان ءدىني قىزمەتكەرلەردىڭ، ۋاعىزشىلاردىڭ ءىزىن كەسۋ دەيدى ناۋرىزباي قاجى تاعان ۇلى.
ال الەۋمەتتىك جەلىدە "دومبىرا — حارام"، "سالت-داستۇردەن الشاق جۇرەيىك" دەپ كەۋدە سوققاندارمەن ءدىني باسقارما تۇسىندىرمە جۇرگىزىپ جاتىر.
«اللاعا شۇكىر، ءبىزدىڭ ەلدەن، ءبىزدىڭ توپىراقتان الەمگە ايگىلى ۇلكەن ءدىن عالىمدارى شىققان. وسى اتا-بابامىزدىڭ ەڭبەگىنىڭ ارقاسىندا قازىرگى ءداستۇرلى يسلام مەن ۇلت قۇندىلىقتارى ساباقتاسىپ كەتكەن. سوندىقتان اتا-بابا جولىنان جالعاسىپ كەلە جاتقان ءسالت-داستۇرىمىزدى ساقتاپ قالۋ ماقسات»، – دەيدى باس ءمۇفتي ناۋرىزباي قاجى تاعان ۇلى.