اقپارات كەڭىستىگىندە تەرگەۋ يزولياتورلارىنداعى ازاپتاۋلار تۋرالى اقپاراتتار تاراپ كەتتى.
قىلمىستىق-اتقارۋ جۇيەسى كوميتەتىنىڭ ءتوراعاسى اتالعان دەرەكتىڭ شىندىققا سايكەس كەلمەيتىنىن مالىمدەدى، دەپ حابارلايدى Almaty-akshamy.kz
ق ر ىشكى ىستەر مينيسترلىگى قىلمىستىق-اتقارۋ جۇيەسى كوميتەتىنىڭ ءتوراعاسى جانات ەشماعامبەتوۆ جەلىدە تاراعان الماتىدا ازاپتاۋ كامەرالارى قۇرىلعانى تۋرالى اقپاراتتى جوققا شىعاردى.
«قازىرگى ۋاقىتتا اقپارات كەڭىستىگىندە تەرگەۋ يزولياتورلارىنداعى ازاپتاۋلار تۋرالى جالعان اقپاراتتار جاپپاي تاراۋدا. ءبىز ولاردىڭ شىندىققا سايكەس كەلمەيتىنىن، جۇرتشىلىقتى اداستىرىپ، بولىپ جاتقان وقيعالاردى بۇرمالايتىنىن جاۋاپكەرشىلىكپەن مالىمدەيمىز. الماتىداعى تەرگەۋ يزولياتورىندا ورتاعاسىرلىق ينكۆيزيسيا ۇلگىسىندە ازاپتاۋ كامەرالارى جاسالعانى تۋرالى جالعان حابار تاراۋدا. مەن مۇنداي نارسە جوق جانە بولۋى مۇمكىن ەمەس دەپ ايتقىم كەلەدى»، – دەدى سپيكەر.