الماتىداعى اۋدان اكىمدەرى كوپبالالى انالارمەن كەزدەسۋ وتكىزدى

الماتى قالاسىنىڭ اكىمى بەكىتكەن كەستەگە سايكەس، 2023 جىلدىڭ ماۋسىم ايىندا اۋدان اكىمدەرى كوپبالالى انالارمەن 8 رەت كەزدەستى.

كەزدەسۋگە 102 كوپبالالى انا كەلىپ، اكىمدەرگە 115 سۇراق جولداندى. ونىڭ 68-ىنە جاۋاپ بەرىلىپ، كەزدەسۋدەن كەيىن 26 ماسەلە پىسىقتالدى، تاعى 21ء-ى قولعا الىندى، دەپ حابارلايدى Almaty-akshamy.kz.

نەگىزگى ماسەلەلەر:

تۇرعىن ءۇي الۋ (كەزەككە قويۋ) – 29 (25%)؛

ءبىلىم (بالالاردى مەكتەپ پەن بالاباقشاعا ورنالاستىرۋ، مەكتەپ فورماسى، DamuBala باعدارلاماسى) – 28 (24%)؛

دەنساۋلىق ساقتاۋ – 6 (5%)؛

الەۋمەتتىك جاردەماقىلار (ااك، ازىق-تۇلىك جيناقتارى) – 14 (12%)؛

تكش جانە اباتتاندىرۋ (گاز قوسۋ، سۋمەن قامتۋ جانە سۋ بۇرۋ) – 15 (13%)؛

جۇمىسپەن قامتۋ جانە بيزنەس گرانتتارى – 5 (4%)؛

وزگە ماسەلەلەر – 18 (16%).

قالا باسشىسى اۋدان اكىمدەرىنىڭ شاھاردىڭ كوپبالالى انالارىمەن 2023 جىلعى ناۋرىزعا ارنالعان كەزدەسۋلەرىنىڭ ءتيىستى كەستەسىن بەكىتتى.

ايتا كەتەيىك، بۇعان دەيىن الماتى قالاسىنىڭ اكىمى ەربولات دوسايەۆ ءوتىنىشتىڭ كوپتىگىنە بايلانىستى اۋدان اكىمدەرىنىڭ كوپبالالى انالارمەن اي سايىنعى كەزدەسۋىن تاپسىرعان بولاتىن.

اۋدان اكىمدەرىنىڭ كوپبالالى انالارمەن كەزدەسۋلەرىنىڭ 2023 جىلدىڭ شىلدە ايىنا كەستەسى: