ارحيتەكتۋرا، ديزاين جانە ينجەنەريا كوللەدجى (اديك) قازاقستان پرەزيدەنتى جاريالاعان «جۇمىسشى ماماندىقتار جىلى» اياسىندا قۇرىلىس، ارحيتەكتۋرا، تۇرعىن ۇي-كوممۋنالدىق شارۋاشىلىق جانە ءوندىرىس سالالارىندا جۇمىسشى كادرلاردى دايارلايتىن جەتەكشى ءبىلىم بەرۋ ورتالىقتارىنىڭ ءبىرى رەتىندە ءوز پوزيسياسىن نىعايتۋدى جالعاستىرۋدا.
وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا كوللەدج ديرەكتورى كامال جامانگوزوۆ وقۋ ورنىنىڭ نەگىزگى جەتىستىكتەرى مەن الداعى جوسپارلارىن تانىستىردى، دەپ حابارلايدى aqshamnews.kz.
سپيكەردىڭ ايتۋىنشا، 1956 جىلى نەگىزى قالانعان اديك ءارتۇرلى ەكونوميكا سالالارىندا سۇرانىسقا يە 50 مىڭعا جۋىق مامان دايارلاعان. قازىرگى ۋاقىتتا كوللەدجدە مەملەكەتتىك تاپسىرىس بويىنشا 820 ستۋدەنت ءبىلىم الۋدا، ولاردىڭ 35%ء-ى وقۋىن الماتىداعى جەتەكشى كومپانيالاردا تاجىريبەلىك جۇمىستارمەن ۇشتاستىرىپ ءجۇر.
وقۋ ورنىنىڭ تيىمدىلىگىنىڭ ماڭىزدى كورسەتكىشتەرىنىڭ ءبىرى – تۇلەكتەردى جۇمىسقا ورنالاستىرۋ دەڭگەيىنىڭ جوعارى بولۋى. 2023 جىلى ستۋدەنتتەردىڭ 84%-ى جۇمىسپەن قامتىلسا، 2024 جىلى بۇل كورسەتكىش 88%-عا دەيىن ءوستى.
«كوللەدج شاعىن جانە ورتا بيزنەستىڭ 65-تەن استام كاسىپورنىمەن بەلسەندى تۇردە ىنتىماقتاستىق ورناتىپ، ستۋدەنتتەرگە پراكتيكالىق ءبىلىم الۋعا جانە ءارى قاراي جۇمىسقا ورنالاسۋعا مۇمكىندىك بەرەدى»، – دەدى كامال جامانگوزوۆ.