دەنساۋلىق ساقتاۋ ءمينيسترى اجار عينيات الماتىداعى مەديسينالىق مەكەمەلەردىڭ بىرىندە ورىن العان ايتۆ جۇقتىرعاندارعا قاتىستى پىكىر ءبىلدىردى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
سوندىقتان كوميسسيا جۇمىسىن اياقتاسىن. ولار انىقتامانى تولىق دايىنداپ، رەسمي تۇردە اكىمدىك پەن دەنساۋلىق ساقتاۋ مينيسترلىگىن ۇسىنادى، - دەپ اتاپ ءوتتى ۆەدومستۆو باسشىسى ۇكىمەتتىڭ كۋلۋارىندا ب ا ق وكىلدەرىنە بەرگەن سۇحباتىندا.
سونىمەن قاتار مينيستر «ءقاۋىپتى ىندەتتى جۇقتىرعاندارمەن ءوزىڭىز جەكە كەزدەستىڭىز بە؟» دەگەن تىلشىلەردىڭ سۇراعىنا جاۋاپ بەردى.
جوق. سەبەبى، كوميسسيا جۇمىس ىستەپ جاتىر. بىزدە «مەديسينالىق قۇپيا تۋرالى» زاڭ بار. مۇنداي ناۋقاستارمەن كەزدەسكىسى كەلگەندەردىڭ ءوزى دە كەزدەسە المايدى. سەبەبى، (ولاردىڭ كەزدەسۋگە – رەد.) قۇقىعى جوق. زاڭ مۇنداي ناۋقاستاردىڭ (قۇقىعىن – رەد.) قورعايدى. سوندىقتان ءقازىر بارلىق جۇمىس كوميسسيا اياسىندا ءجۇرىپ جاتىر، - دەدى اجار عينيات.
«ءسىز دەنساۋلىق ساقتاۋ مينيسترلىگىنىڭ باسشىسى رەتىندە كىمدى جۇقتىرعانىن بىلۋگە قۇقىعىڭىز جوق پا؟» دەگەن سۇراققا مىنانداي جاۋاپ الدىق.
ونداي قۇقىعىم جوق. سەبەبى، مەديسينالىق قۇپيا بار. تەك پاسيەنتتەردىڭ كەلىسىمىمەن. ولاردىڭ مۇنداي قالاۋى جوق، - دەدى اجار عينيات.