ەرتەڭ، 12 شىلدەدە 7-20-25 باعدارلاماسىنا ءوتىنىش بەرۋ باستالادى، - دەپ حابارلايدى Almaty-akshamy.kz.
2018 جىلدان باستاپ «7-20-25» بويىنشا يپوتەكا راسىمدەگەندەر قايتا قاتىسا المايدى.
باعدارلاما شارتتارى:
21 جاستان باستاپ؛
7 پايىزبەن؛
20 پايىز باستاپقى جارنامەن؛
25 جىلعا دەيىن يپوتەكا راسىمدەۋگە بولادى.
ماكسيمال قارىز:
استانا، الماتى، شىمكەنت، اقتاۋ، اتىراۋدا 20 ميلليون تەڭگەگە دەيىن؛
قاراعاندى، تۇركىستان قالالارىندا 16 ميلليون تەڭگەگە دەيىن؛
وزگە وڭىرلەردە 12 ميلليون تەڭگەگە دەيىن.
پاتەردى تەك جاڭا ۇيدەن الۋعا بولادى، ياعني ءبىرىنشى نارىقتان قۇجاتتارى دايىن بولۋى كەرەك، دەپ جازدى Massaget.kz.
ءدال وسى باعدارلامامەن پاتەر الاتىن كەزدە وتباسى مۇشەلەرىنىڭ اتىندا ءۇي بولماۋى كەرەك. ەرلى زايىپتىلاردىڭ اتىندا ورتاق پاتەر، جەر ءۇي، ساياجاي بولماۋعا ءتيىس.
ەسكە سالايىق، 7-20-25 باعدارلاماسى 2029 جىلعا دەيىن جالعاسادى.