نەگىزگى ماقسات – قاتەرلى ىسىك پەن تۋبەركۋلەزدىڭ الدىن الۋ
بۇگىن الماتىنىڭ دۋمان شاعىناۋدانىنا قاراستى №2 ەمحانادا اشىق ەسىك كۇنى ءوتتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
نەگىزگى ماقسات – قاتەرلى ىسىك پەن تۋبەركۋلەزدىڭ الدىن الۋ. ءىس-شارادا ونكولوگ، ونكودەرماتولوگ، ونكوگينەكولوگ سەكىلدى ماماندار تۇرعىنداردى تەگىن قابىلدادى. دارىگەرلەردىڭ ايتۋىنشا، وبىر اۋرۋى نەعۇرلىم ەرتە انىقتالسا، سوعۇرلىم ساۋىعۋ ىقتيمالدىلىعى جوعارى بولادى. سونداي-اق، تۋبەرۋلەزدىڭ الدىن الۋ ءۇشىن ارنايى جىلجىمالى فليۋروگرافيا كولىگى الدىرىلدى.
«بۇل – ىقشاماۋدان حالىقتىڭ ەڭ كوپ شوعىرلانعان جەرى. تۋبەركۋلەز اۋرۋى باسقا ەمحانالارعا قاراعاندا وسى ەمحانادا كوپ تىركەلگەن. تۋبەركۋلەز اۋرۋى وزدەرىڭىز بىلەتىندەي جۇقپالى اۋرۋعا جاتادى»، – دەدى قالالىق №2 ەمحانانىڭ بالالار فتيزياتورى ءاليا ءاشىمحانوۆا.
«مەن ءوزىم كارديولوگكا كىرىپ شىقتىم. قابىلداۋى سونداي جاقسى. جاقسى ىلتيپاتپەن قابىلداپ جاتىر. كوپبالالى انالار، جاعدايى تومەن وتباسىلار بار. ولارعا دا كومەگىن تيگىزەدى. كەرەك بولسا وزدەرى بارىپ كومەكتەسەدى»، – دەدى قالا تۇرعىنى مەيرامگۇل مىساقۇلوۆا.