وسى مەكتەپتىڭ كۇزەتشىسىنىڭ وقۋشىنى زورلاماق بولعانىن بۇدان بۇرىن حابارلاعانبىز.
كۇدىكتىنىڭ ۇستىنەن قىلمىستىق ءىس قوزعالدى. ول 15 كۇنگە قاماۋعا الىنعان
وقۋ-اعارتۋ ءمينيسترى عاني بەيسەمبايەۆ ماس كۇزەتشىنىڭ وقۋشى قىزعا ءتيىسۋ فاكتىسىنەن كەيىن مەكتەپ ديرەكتورى قىزمەتىنەن بوساتىلعانىن مالىمدەدى، دەپ حابارلايدى Almaty-akshamy.kz
"ءتيىستى شارالار قولعا الىندى. اتالعان ءبىلىم بەرۋ ۇيىمىنىڭ باسشىسى قىزمەتىنەن قۋىلدى. ءبىلىم باسقارماسى تاراپىنان ءتيىستى شارا قابىلداندى، تەرگەۋ ءجۇرىپ جاتىر"، - دەدى بەيسەمبايەۆ.
ايتۋىنشا، مينيسترلىك وسىنداي فاكتىلەر تۋرالى ەستىسە، بالالاردىڭ قۇقىعىن قورعاۋ كوميتەتى شۇعىل وقيعا ورنىنا بارىپ، باسقا مەملەكەتتىك ورگاندارمەن تەرگەۋگە قاتىسادى جانە سول ماسەلەنى تۇراقتى باقىلاۋدا ۇستايدى.
بۇعان دەيىن باق-تا الماتىداعى 160 مەكتەپتە كۇزەتشى 6-سىنىپ وقۋشىسىنا تيىسكەنى حابارلانعان بولاتىن. ەر ادام وقيعا كەزىندە ماس بولعان. ول قىزدى قۇشاقتاپ، بەتىنەن سۇيە باستاعان. ابىروي بولعاندا، بالا قۇتىلىپ، قاشىپ ۇلگەرگەن.