2023 جىلدىڭ ءبىرىنشى جارتىجىلدىعىنداعى ستاتيستيكا بويىنشا، الماتى وبلىسىنداعى «ىلە-الاتاۋ» مەملەكەتتىك ۇلتتىق تابيعي پاركىنىڭ تۇرگەن شاتقالىنداعى «Turgensai» جانە «ايۋساي» تۋريستىك ۆيزيت-ورتالىقتارىنا ەلىمىز بويىنشا ەڭ كوپ ساياحاتشى كەلگەن.
العاشقى التى ايدا بۇل ورتالىققا 258 632 ادام ساياحاتتاعان، دەپ حابارلايدى Almaty-akshamy.kz 24.kz-كە سىلتەمە جاساپ.
ەكىنشى ورىنعا التى ايدا 49 332 كەلۋشىلەردى جيناعان الماتى وبلىسىنىڭ شارىن كانونىنداعى «Sharyn» ۆيزيت-ورتالىعى جايعاستى. ال ءۇشىنشى ساتىعا اقمولا وبلىسىنىڭ زەرەندى قالاسىنداعى ۆيزيت-ورتالىق تۇراقتادى. وسى جىلدىڭ ءبىرىنشى جارتىجىلدىعىندا ورتالىق 11 709 ادامدى قابىلداعان. سونداي-اق اقمولا وبلىسىنداعى قورعالجىن قورىعىنىڭ ساپار ورتالىعىنا 7 مىڭنان استام ادام بارسا، الماتى وبلىسىنىڭ التىن ەمەل ۇلتتىق ساياباعىنداعى «التىن ەمەل» ورتالىعىنا 6 مىڭنان استام ادام كەلگەن.
«ۇلتتىق پاركتەردەگى ۆيزيت-ورتالىقتار ەرەكشە قورعالاتىن تابيعي اۋماقتاردىڭ جالپى الاڭىنىڭ 5 پايىزىنان اسپايدى جانە ەكولوگياعا زيان كەلتىرمەي جۇمىس ىستەيدى. تۋريستەرگە ورنالاسۋ ورنى جانە كەلۋ ەرەجەلەرى تۋرالى اقپارات بەرىلەدى، سونداي-اق تاماقتانۋ جانە ۋاقىتشا ورنالاستىرۋ قىزمەتتەرى كورسەتىلەدى. قازىرگى تاڭدا قازاقستاندا مۇنداي نىساندارعا سۇرانىس ارتىپ كەلەدى»، - دەپ اتاپ ءوتتى ق ر تۋريزم جانە سپورت ۆيسە-مينيسترى ەرجان ەركىنبايەۆ.