الماتى اكىمى ەربولات دوسايەۆ جۇمىس ساپارى بارىسىندا «14 اۋماق» ش/ا تۇرعىندارىمەن كەزدەستى. 7 جىلدان بەرى وسى شاعىن اۋداندا اياقتالمالماي كەلە جاتقان ينجەنەرلىك جەلىلەرگە قاتىستى ماسەلە قوزعالدى، دەپ حابارلايدى almaty-akshamy.kz
«ءبىز جەتى جىل بويى قاتتى قينالىپ كەلدىك»، - دەپ قىنجىلدى جەرگىلىكتى تۇرعىندار.
«بىلتىر مەنىڭ العاشقى جۇمىس ساپارىم سىزدەردەن باستالدى»، - دەپ ەسكە سالدى قالا اكىمى. ەربولات دوسايەۆ الماتى اكىمى لاۋازىمىنا تاعايىندالعاننان كەيىن العاش رەت وسى شاعىن اۋدانعا ات باسىن بۇرعان ەدى. «14ء-شى اۋماق» شاعىن اۋدان تۇرعىندارى قالا باسشىسىنا العىسىن ءبىلدىرىپ، ونىڭ تاپسىرماسى بويىنشا ولاردىڭ ينجەنەرلىك جەلىلەرگە قاتىستى ماسەلەلەرى شەشىلە باستاعانىن اتاپ ءوتتى.
«ينجەنەرلىك جەلىلەردى سالۋعا بايلانىستى جۇمىستى جەدەلدەتەمىز، جىلى كۇن رايى جول جابىنى بويىنشا جۇمىستاردى اياقتاۋعا مۇمكىندىك بەرەدى. ەڭ باستىسى، ءبىز ءبارىن 30 قاراشاعا دەيىن اياقتايمىز دەپ ۇمىتتەنەمىز. اۋدان اكىمدىگى تروتۋارلار بويىنشا ماعان سىزدەرمەن كەڭەسىپ وتىرعاندارىن ايتتى. كەيدە بارلىق جۇمىس اياقتالعان كەزدە تۇرعىندار تۇزەتۋدى سۇرايدى. اباتتاندىرۋ اياسىندا اتالعان وكىلەتتىكتەر اۋدان اكىمدەرىنە بەرىلدى، ءبىز ولاردىڭ بيۋدجەتىن كوبەيتتىك. ولار ءقازىردىڭ وزىندە شەشىم قابىلداۋدا. مەن قاداعالايمىن»، - دەدى الماتى اكىمى.
«اۋدان اكىمدىگىنىڭ قىزمەتكەرلەرى ءبىزدىڭ وتىنىشتەرىمىزدى ەستىپ، جاۋاپ بەرەدى»، - دەدى «14ء-شى اۋماق» ش/ا تۇرعىندارى. ولار كوشە جارىعى ماسەلەسىن تەزدەتىپ شەشۋدى سۇرادى.
ەربولات دوسايەۆ الماتى اكىمدىگى جەكە سەرىكتەسكە قاتىستى سوتتا جەڭگەنىن ايتتى. «ءبىز اقىرى ءبىرىنشى ساتىلى سوتتا جەڭدىك. مەردىگەر اپەللياسيالىق شاعىم ءتۇسىرۋى مۇمكىن. جارىقتاندىرۋ ماسەلەسى مىندەتتى تۇردە شەشىلەدى»، - دەدى. سىرتقى جارىقتاندىرۋ جۇمىستارىن جۇرگىزۋ بويىنشا قاراجاتقا قاتىستى ماسەلەنى مەردىگەرمەن تىكەلەي كەلىسىم-شارتتى اۋدان اكىمدىگى جاسايتىنىن ايتتى. بۇل تۇرعىنداردىڭ وسى ماسەلە بويىنشا ءوتىنىمىن ىسكە اسىرۋدى جەدەلدەتۋگە مۇمكىندىك بەرەدى.
بۇعان دەيىن 2018 جىلى الماتى اكىمدىگى مەملەكەتتىك-جەكەشەلىك ارىپتەستىك شارتىن جاساسقان «ABM-ۆuilding 2007» ج ش س، «ەلەكترورەمونت» ج ش س جانە «ABM-Project» ج ش س ءۇش كومپانيادان تۇراتىن كونسورسيۋم ءوز مىندەتتەمەلەرىن ساقتاماعانى حابارلانعان بولاتىن. سوندىقتان الماتىلىقتار تاراپىنان كوشە جارىعىنا قاتىستى شاعىمدار كوبەيگەن ەدى. بيىل قازان ايىندا سوت قالا اكىمدىگىنىڭ تالابىن قاناعاتتاندىردى.