25 قاراشا مەن 10 جەلتوقسان ارالىعىندا “زورلىق-زومبىلىقسىز 16 كۇن!” رەسپۋبليكالىق ناۋقانى ءوتىپ جاتىر، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ءىس-شارا تۇرمىستىق زورلىق-زومبىلىقتىڭ الدىن الۋ جانە وعان قارسى تۇرۋ، پوليسياعا دەگەن سەنىم دەڭگەيىن ارتتىرۋ، قوعامداعى وتباسىنىڭ ءرولىن نىعايتۋ ماقساتىندا وتكىزىلۋدە. ءىس-شارانىڭ نەگىزگى ماقساتى – ايەلدەرگە قاتىستى زورلىق-زومبىلىقتىڭ الدىن الۋ، انا مەن بالانى قورعاۋ، وتباسىنىڭ قوعامداعى ءرولىن نىعايتۋ باعىتىندا اتقارىلىپ جاتقان شارالارمەن حالىقتى تانىستىرۋ. شارا اياسىندا تۇرعىندار اراسىندا اقپاراتتىق-ناسيحاتتاۋ جۇمىستارىن جۇرگىزۋ جوسپارلانۋدا. ءىىو-دا پروفيلاكتيكالىق ەسەپتە تۇرعان ادامداردى تۇرعىلىقتى جەرى بويىنشا تەكسەرۋ، وتباسى-تۇرمىستىق قاتىناستار سالاسىندا قۇقىق بۇزۋشىلىقتاردى جاساعان، الكوگولدىك ىشىمدىكتەردى اسىرا پايدالاناتىن ادامداردى انىقتاۋ جانە ەسەپكە الۋ، سونداي-اق ولاردىڭ تۇرمىستىق ومىردە قىلمىس جاساماۋلارىن قاداعالاۋ»، – دەدى الماتى قالاسى پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى دياس دۋانبەكوۆ.
ناۋقانعا داعدارىس ورتالىقتارى دا بەلسەنە قاتىسۋدا. وندا قۇقىقتىق كەڭەس جانە پسيحولوگيالىق كومەك كورسەتۋ بويىنشا سەنىم تەلەفوندارى جۇمىس ىستەيدى. تۇرمىستىق زورلىق-زومبىلىق دەرەكتەرى تۋرالى حاباردار بولساڭىز نەمەسە وسىنداي زورلىق-زومبىلىقتىڭ قۇربانى بولساڭىز، پوليسياعا كەلەسى تەلەفوندار ارقىلى حابارلاسۋىڭىز قاجەت: الماتى قالاسى پد: 254-45-99؛ المالى اۋداندىق پب: 254-46-09؛ الاتاۋ اۋداندىق پب: 227-55-54؛ اۋەزوۆ اۋداندىق پب: 298-53-33؛ بوستاندىق اۋداندىق پب: 254-47-26؛ جەتىسۋ اۋداندىق پب: 254-49-43؛ مەدەۋ اۋداندىق پب: 254-48-66؛ تۇركسىب اۋداندىق پب: 298-54-25؛ ناۋرىزباي اۋداندىق پب: 254-49-48. داعدارىس ورتالىقتارىنىڭ تەلەفوندارى: “رودنيك” قق – 396-19-38؛ “جان-سايا” كمم – “150” (ءانونيمدى، تاۋلىك بويى) نەمەسە 8-771-450-34-50؛8-727-243-22-21 “انالار ءۇيى” كق -8-747-311-41-09؛ 8-747-311-40-51؛ 8-747-311-40-67.