1991 جىلدان بەرى رەسپۋبليكاعا 1 ميلليون 103،5 مىڭ ەتنيكالىق قازاق ورالدى.
2022 جىلعى 1 قاراشاداعى جاعداي بويىنشا، 15 637 ەتنيكالىق قازاق تاريحي وتانىمەن تابىسىپ، قانداس مارتەبەسىن الدى، دەپ جازادى Almaty-akshamy.kz.
«جىل باسىنان قازاقستانعا كەلگەن قانداستاردىڭ جارتىسىنان كوبى (65،2%) وزبەكستاننان، 9،2% – قىتايدان، 8،8% – رەسەيدەن، 8% – تۇرىكمەنستاننان، 4،8% – موڭعوليادان جانە 4% - باسقا ەلدەردەن»، - دەلىنگەن ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنىڭ حابارلاماسىندا.
كەلگەن ەتنيكالىق قازاقتار نەگىزىنەن الماتى (28،1%)، ماڭعىستاۋ (16،3%)، تۇركىستان (8،7%) جانە جامبىل (6،1%) وبلىستارىنا، سونداي-اق استانا (9%)، شىمكەنت (6،9%) جانە الماتى (5،5%) قالالارىنا قونىستاندى.
بيىلعى جىلعى 1 قاراشاداعى جاعداي بويىنشا، ەڭبەككە قابىلەتتى جاستاعى ەتنيكالىق قونىس اۋدارۋشىلار سانى 59،6%-دى، ەڭبەككە قابىلەتتى جاستان كىشى 26،7%-دى جانە زەينەتكەرلەر 13،7%-دى قۇرايدى.
ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا 16%-ى جوعارى ءبىلىمدى، 39%-ى ورتا كاسىبي ءبىلىمدى، 43،1%-ى جالپى ورتا ءبىلىمدى جانە 1،9%-ىنىڭ ءبىلىمى جوق.