الماتىدا «گەندەرلىك زورلىق-زومبىلىققا قارسى 16 كۇن بەلسەندى ءىس-قيمىل» اتتى جىل سايىنعى رەسپۋبليكالىق ناۋقانى اياسىنداعى العاشقى اكسيا ءوتتى.
بۇل باسقوسۋ ستۋدەنتتەردى، ءتۇرلى سالا ماماندارىن جانە قۇقىق قورعاۋ ورگاندارىنىڭ وكىلدەرىنىڭ باسىن قوسىپ، زورلىق-زومبىلىقتان قورعانۋ، ءوزىڭدى جانە جاقىندارىڭدى قاۋىپتەن ساقتاۋ تاقىرىبىن تالقىلاۋعا مۇمكىندىك بەردى، - دەپ حابارلايدى Aqshamnews.kz.
اكسيانى الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنا قاراستى «وتباسىن قولداۋ ورتالىعى» كمم، الماتى اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيا، سونداي-اق قالالىق پوليسيا دەپارتامەنتى ۇيىمداستىردى.
ءىس-شارا نارحوز ۋنيۆەرسيتەتىندە ءوتىپ، 100-گە جۋىق ادام قاتىستى. اشىق ديالوگ بارىسىندا ستۋدەنتتەر سۇراق قويىپ، پىكىر الماستى. ال ماماندار داعدارىس جاعدايىندا دۇرىس شەشىم قابىلداۋ جولدارىن، سونداي-اق قانداي جاعدايدا قاي جەردەن كومەك سۇراۋعا بولاتىنىن ءتۇسىندىردى.
اكسيا اياسىندا پوليسيا دەپارتامەنتىنىڭ قىزمەتكەرلەرىمەن وتكەن تالقىلاۋلاردا جاستارعا زورلىق-زومبىلىق قاتەرى تونگەن كەزدە قولدانىلاتىن ناقتى قورعانۋ تاسىلدەرى مەن ارەكەت ەتۋ ءتارتىبى ەگجەي-تەگجەيلى ءتۇسىندىرىلدى. سونىمەن قاتار پسيحولوگتار، الەۋمەتتىك قىزمەتكەرلەر مەن زاڭگەرلەر كەڭەس بەرىپ، جاستارعا ساۋاتتى قارىم-قاتىناس ورناتۋ، العاشقى ءقاۋىپ بەلگىلەرىن بايقاۋ جانە ءقاۋىپتى جاعدايدى جاسىرماي بايانداۋ جونىندە ۇسىنىستار ايتتى. قاتىسۋشىلارعا تاۋلىك بويى قولداۋ كورسەتەتىن قىزمەتتەر تۋرالى دا اقپارات ايتىلدى.
جاستار كەزدەسۋگە بەلسەندى قاتىسىپ، مۇنداي ءىس-شارالاردىڭ جەكە قاۋىپسىزدىككە قاتىستى ماسەلەنى جاقسىراق تۇسىنۋگە سەپتىگىن تيگىزەتىنىن اتادى. ۇيىمداستىرۋشىلاردىڭ ايتۋىنشا، جوعارى وقۋ ورىندارىنداعى وسىنداي اكسيالار جاستاردىڭ قۇقىقتىق ساۋاتىن ارتتىرىپ، ءوزارا قۇرمەتكە نەگىزدەلگەن ءقاۋىپسىز قارىم-قاتىناس مادەنيەتىن قالىپتاستىرۋعا ىقپال ەتەدى.
ايتا كەتەيىك، «گەندەرلىك زورلىق-زومبىلىققا قارسى 16 كۇن بەلسەندى ءىس-قيمىل» رەسپۋبليكالىق ناۋقانى 10 جەلتوقسانعا دەيىن جالعاسادى. الماتىدا كەزدەسۋ، ترەنينگ، ديالوگ، اكسيا مەن كورمە سىندى 20-دان استام ءىس-شارا وتكىزۋ جوسپارلانىپ وتىر. بۇل ءىس-شارالاردا ايەلدەر مەن بالالاردى قورعاۋ ماسەلەسىنە، سونداي-اق جاستار اراسىندا زورلىقسىز مىنەز-قۇلىق مادەنيەتىن دامىتۋعا ەرەكشە كوڭىل بولىنبەك.