بيىل 3 جەلتوقساندا الماتىداعى Rixos Almaty قوناقۇيىندە قازاقستاننىڭ ۇزدىك مەيرامحانالارى انىقتالاتىن III حالىقارالىق WHERETOEAT KAZAKHSTAN سىيلىعىنىڭ سالتاناتتى ءراسىمى وتەدى، - دەپ حابارلايدى aqshamnews.kz ءتىلشىسى.
بۇل ءىس-شارا نەگە ماڭىزدى؟
WHERETOEAT KAZAKHSTAN – جىل سايىن جاسالاتىن ەلدىڭ ۇزدىك مەيرامحانالار رەيتينگى. ونى مەيرامحانا يەلەرى مەن باسشىلارى، شەف-اسپازدار، سومەلە، بارمەندەر، ىسكەر ورتا وكىلدەرى، جۋرناليستەر مەن بلوگەرلەردەن قۇرالعان ساراپشىلار القاسى جاسىرىن داۋىس بەرۋ ارقىلى انىقتايدى.
مەيرامحانالار ءوتىنىم بەرمەيدى – ساراپشىلار لايىق دەپ ساناعان مەكەمەلەرگە داۋىس بەرەدى.
قورىتىندى قانداي؟
ساراپشىلار داۋىس بەرۋىن اياقتادى، سونىڭ ناتيجەسىندە:
- لونگ-ليستكە – 9 قالادان (نەگىزىنەن الماتى مەن استانا، سونداي-اق اقتاۋ، اتىراۋ، پەتروپاۆل، شىمكەنت، وسكەمەن، قوستاناي، قاراعاندى) 208 مەيرامحانا ەندى.
- سايتتا جاريالانعان شورت-ليستكە – ەڭ كوپ ۇپاي جيناعان 53 مەيرامحانا كىردى.
جەڭىمپازدار 3 جەلتوقساندا سالتاناتتى كەشتە جاريالانادى.
سونداي-اق،
- "جىل اسپازى"
- "جىل سومەلەسى"
- "جىل بارى"
- "ب ا ق تاڭداۋى"
- "قازاق ءمازىرىنىڭ ۇزدىك مەيرامحاناسى"
- "جىل كونديتەرى" انىقتالادى.
بۇل تۋريزم مەن گاسترونومياعا قالاي اسەرى ەتەدى؟
پرەميانىڭ باس پروديۋسەرى يرينا تيۋسونينانىڭ ايتۋىنشا، ءبىرىنشى جارتىجىلدىقتا ىشكى تۋريستەر اعىمى 500 مىڭ ادامعا وسكەن، قازاقستانعا 7،5 ملن شەتەلدىك تۋريست كەلگەن جانە بۇل سالانىڭ تابىسى 25% ارتقان.