كۇدىكتى بۇعان دەيىن دە وسىعان ۇقساس قىلمىسى ءۇشىن سوتتى بولعان.
الماتىدا زەينەتكەرلەردىڭ اتىنان زاڭسىز نەسيە راسىمدەگەن كۇدىكتى انىقتالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ءبىر ەپيزودتا 26 جاستاعى ك. ەسىمدى ازاماتشا اجەنىڭ سەنىمىنە قيانات جاساپ، ونىڭ دەرەكتەرىن پايدالانىپ، 900 مىڭ تەڭگە كولەمىندە تاۋارلىق ونلاين نەسيە راسىمدەگەن.
«جەدەل ىزدەستىرۋ ءىس-شارالارى بارىسىندا كۇدىكتى ۇستالدى. ول اقشانىڭ قاجەتتىلىگىن العا تارتىپ، ىستەگەن ءىسىن بىردەن مويىندادى. وسى دەرەك بويىنشا ق ر قك-نىڭ 190-بابى (الاياقتىق) بويىنشا قىلمىستىق ءىس سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى»، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.
ءبىر قىزىعى، كۇدىكتى بۇعان دەيىن دە وسىعان ۇقساس قىلمىس جاساعانى ءۇشىن سوتتى بولعان. ءىس بويىنشا تەرگەۋ جالعاسۋدا.