بيىل گرانت سانى دا 88 مىڭعا دەيىن كوبەيگەن.
ق ر عىلىم جانە جوعارى ءبىلىم ءمينيسترى ساياسات نۇربەك ۇكىمەت وتىرىسىندا جوو ستۋدەنتتەرىنە ارنالعان ستيپەنديانىڭ جاڭا مولشەرىن ايتتى، دەپ حابارلايدى Almaty-akshamy.kz
«مەملەكەت باسشىسىنىڭ تاپسىرماسىنا سايكەس، گرانتتار سانى 2020 جىلعى 65 مىڭنان 2022 جىلى 88 مىڭعا دەيىن ۇلعايتىلدى. سونداي-اق، وقۋشىلارعا ستيپەنديا مولشەرى دە ارتىپ كەلەدى. ماسەلەن، باكالاۆريات ستۋدەنتتەرىنە 36 مىڭ تەڭگە، دوكتورانتتارعا 150 مىڭ تەڭگە قاراستىرىلعان. 2025 جىلعا دەيىن ستۋدەنتتەردىڭ ستيپەندياسى تاعى 2 ەسەگە، ماگيسترانتتار مەن دوكتورانتتارعا 1،5 ەسەگە ارتادى»، - دەدى مينيستر.
سونىمەن قاتار، ونىڭ ايتۋىنشا، جوعارى ءبىلىم بەرۋ سالاسىندا مامانداردى دايارلاۋعا باسا نازار اۋدارىلعان.
«ماگيستراتۋرا دەڭگەيىندە 5،8 %، دوكتورانتۋرا دەڭگەيىندە 0،94% عانا وقيدى. ال الەمدىك تاجىريبە كورسەتكەندەي، باكالاۆرياتتىڭ اراقاتىناسى 30-دان 45%-عا دەيىن، ماگيستراتۋرا 10%-دان استام، ال دوكتورانتۋرا 2%-دان جوعارى بولۋى ءتيىس، - دەپ اتاپ ءوتتى ساياسات نۇربەك.