الماتىدا الاياقتىق پەن زاڭسىز كاسىپپەن اينالىسقان ميكروقارجى ۇيىمدارىنىڭ مۇلكى تاركىلەندى.
ولاردىڭ كەسىرىنەن 327 مىڭنان استام ادام زارداپ شەككەن. كەلتىرىلگەن زالال مولشەرى 30 ملرد تەڭگەگە باعالانىپ وتىر. اتاپ ايتقاندا، ميكروقارجى ۇيىمدارى قارىزى بار بورىشكەرلەردى سىبايلاس كومپانيالارمەن كەلىسىمشارتقا وتىرۋعا ماجبۇرلەگەن. بۇل رەتتە كەپىل بەرۋشى قارىز الۋشى ولگەن جاعدايدا عانا جاۋاپكەرشىلىكتى موينىنا الاتىن بولىپ شىقتى. وعان قوسا بۇل قىزمەتتىڭ باعاسى باستاپقى زاەمنىڭ قۇنىنان اسىپ ءتۇسىپ، بورىشكەرلەردى ودان سايىن قارىزعا باتىرعان. ءقازىر وسىنداي التى بىردەي ۇيىمعا قاتىستى تەرگەۋ امالدارى جالعاسىپ جاتىر.
ەرجان تايجان، ق ر قارجىلىق مونيتورينگ اگەنتتىگىنىڭ رەسمي وكىلى:
- بۇگىنگى تاڭدا ميكروقارجى ۇيىمدارىنىڭ ەسەپشوتتارىنا 1،8 ملرد تەڭگە كولەمىندە تىيىم سالىندى. سونداي-اق 30 ملرد تەڭگە مولشەرىندە نەسيە پورتفەلىنە شەكتەۋ قويىلدى. ميكروقارجى ۇيىمدارىنىڭ ۇيىمداستىرۋشىسى ەكى ايعا قاماۋعا الىندى. ونىڭ جالپى قۇنى 225 ملن تەڭگە كولەمىندەگى ەكى تۇرعىن ءۇيى مەن BMW X6، Toyota Tundra ماركالى اۆتوكولىكتەرىنە تىيىم سالىندى.