قالالىق كوشى-قون قىزمەتى كورشىلەس ەلدەردىڭ ازاماتتارى كۋرەرلىك قىزمەت كورسەتۋمەن اينالىسىپ جۇرگەنىن انىقتادى، دەپ حابارلايدى almaty-akshamy.kz Polisia.kz-كە سىلتەمە جاساپ.
– الماتى قالاسى بوستاندىق اۋدانىندا كوشى-قون زاڭناماسىن ورەسكەل بۇزىپ، ەلىمىزدە جۇرگەن جەتى شەتەلدىك ۇستالدى. ونىڭ ۇستىنە ولاردىڭ جەكە باسىن كۋالاندىراتىن قۇجاتتارى بولماعاندىقتان، ولار قابىلداپ-تاراتۋعا ورنالاستىرىلدى. ودان ءارى سوت شەشىمىمەن قۇقىق بۇزۋشىلار اكىمشىلىك جاۋاپكەرشىلىككە تارتىلىپ، تۋعان ەلىنە جەر اۋدارىلادى. بۇعان دەيىن دە بىرنەشە رەت ايتقانىمىزداي، الماتى – قازاقستاننىڭ ءىرى شاھارى. قارجى جانە مادەني ورتالىعى رەتىندە شەتەل ازاماتتارى مۇندە ءجيى كەلەدى. دەگەنمەن، ءبىزدىڭ ەلگە كەلۋ جانە مۇندا بولۋ تالاپتارىن بۇزباۋعا شاقىرامىن، – دەدى الماتى قالاسى پد كوشى-قون قىزمەتى باسقارماسىنىڭ باسشىسى اسحات بۋتۋنچينوۆ.