2024 جىلعى ماۋسىمدا Enbek.kz ەلەكتروندىق ەڭبەك بيرجاسىندا جۇمىس بەرۋشىلەر 94،4 مىڭ بوس جۇمىس ورنىن، ال جۇمىس ىزدەۋشىلەر – 88،9 مىڭ تۇيىندەمە ورنالاستىردى.
مامىر ايىمەن سالىستىرعاندا بوس ورىندار سانى 8،6 مىڭ بىرلىككە (+10%) ءوستى، ال تۇيىندەمە – 9،6 مىڭ بىرلىككە (-9،7%) قىسقاردى، دەپ حابارلايدى almaty-akshamy.kz ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ،
بوس جۇمىس ورىندارىنىڭ جالپى وسۋىنە قاراماستان، فەرمەرلەرگە، اۋىل شارۋاشىلىعى، ونەركاسىپ، قۇرىلىس جانە كولىك جۇمىسشىلارىنا سۇرانىستىڭ تومەندەۋى بايقالدى. ۇسىنىس بەرۋشىلەر تاراپىنان اۋىل شارۋاشىلىعى جۇمىسشىلارى مەن وندىرىستىك سەكتور وپەراتورلارىنىڭ تۇيىندەمەلەرى سانىنىڭ تومەندەۋى بايقالدى. بۇل رەتتە بىلىكتىلىك بويىنشا سۇرانىس قۇرىلىمى وزگەرىسسىز قالدى – ورتا بىلىكتى جۇمىسشىلار ەڭ جوعارى سۇرانىسقا يە بولدى (32،8 مىڭ بوس جۇمىس ورنى نەمەسە 37%).
ماۋسىم ايىندا ءبىلىم بەرۋ (18،4 مىڭ بوس جۇمىس ورنى)، باسقا دا قىزمەت تۇرلەرى (16،4 مىڭ بوس جۇمىس ورنى)، دەنساۋلىق ساقتاۋ (8،9 مىڭ بوس جۇمىس ورنى) جانە قۇرىلىس (8،5 مىڭ بوس جۇمىس ورنى) سالالارىنىڭ ۇيىمدارى ەڭبەك نارىعىندا ءداستۇرلى تۇردە جوعارى بەلسەندىلىك تانىتتى. ولاردىڭ ۇلەسى ورنالاستىرىلعان بارلىق جۇمىس ورىندارىنىڭ جارتىسىنان كوبىن قۇرادى.
وڭىرلىك بولىنىستە اتىراۋ (7 مىڭ) جانە جامبىل (6،7 مىڭ بوس جۇمىس ورنى) وبلىستارىنىڭ، سونداي-اق استانا (6،7 مىڭ) جانە الماتى (6،2 مىڭ بوس جۇمىس ورنى) قالالارىنىڭ جۇمىس بەرۋشىلەرى بەلسەندىلىك تانىتتى. بۇل رەتتە، وتكەن ايمەن سالىستىرعاندا الماتى جانە اتىراۋ وبلىستارىندا بوس ورىندار سانى ەكى ەسە وسكەن، ال استانا قالاسى مەن باتىس قازاقستان وبلىسىندا سۇرانىس كەرىسىنشە تومەندەدى (تيىسىنشە 13% جانە 16% - عا).
تۇيىندەمە سانىنىڭ ارتۋى تەك ەكى وڭىردە – شىمكەنت قالاسىندا (+240 تۇيىندەمە) جانە اتىراۋ وبلىسىندا (+58 تۇيىندەمە) بايقالدى. جۇمىس ىزدەۋشىلەردىڭ بەلسەندىلىگى باتىس قازاقستان (-30% نەمەسە 1،6 مىڭ تۇيىندەمە)، تۇركىستان (-20% نەمەسە 2،4 مىڭ تۇيىندەمە) جانە سولتۇستىك قازاقستان (-19% نەمەسە 450 بوس جۇمىس ورنى) وبلىستارىندا ازايدى.
ماۋسىم ايىندا بىلىكتى قىزمەتكەرلەر اراسىندا ەڭ تانىمال ماماندىقتار اۆتوكولىك جۇرگىزۋشىلەرى (1،7 مىڭ بوس جۇمىس ورنى)، مەدبيكەلەر (1،6 مىڭ بوس جۇمىس ورنى) جانە تاربيەشىلەر (1،5 مىڭ بوس جۇمىس ورنى) بولدى. بۇل رەتتە PR-مەنەدجەرلەرگە (+1،2 مىڭ بوس جۇمىس ورنى)، ءىس جۇرگىزۋشىلەرگە (+948 بوس جۇمىس ورنى) جانە اۆتوماتتاندىرۋ ينجەنەرلەرىنە (+235 بوس جۇمىس ورنى) سۇرانىس ارتتى.
ماۋسىم ايىندا جۇمىس بەرۋشىلەر ەڭ كوپ جالاقىنى باس قۇرىلىسشىلارعا (ورتا ەسەپپەن 662 مىڭ تەڭگەدەن باستاپ)، ۇڭگىلەۋشىلەرگە (~612 مىڭ تەڭگە)، سونداي-اق IT-قوسىمشالاردى ازىرلەۋشىلەرگە (~563 مىڭ تەڭگە) ۇسىندى.
جۇمىس ىزدەۋشىلەر تاراپىنان باسشىلىق لاۋازىمدارعا ۇمىتكەرلەردى قوسپاعاندا، ەڭ جوعارى جالاقىنى ءوز تۇيىندەمەلەرىندە ۇشقىشتار (ورتا ەسەپپەن 1 ملن تەڭگەدەن باستاپ)، كەمە كاپيتاندارى (~933 مىڭ تەڭگە) جانە كوممەرسيالىق كاسىپورىنداردىڭ قۇرىلىمدىق بولىمشەلەرىنىڭ باسشىلارى (~920 مىڭ تەڭگە) كورسەتتى.