پاريجدەن جاقسى جاڭالىق جەتتى.
ەليسەي سارايىن مەكەندەيتىن قازاق تازىسى كۇشىكتەگەلى جاتىر. پرەزيدەنت قاسىم-جومارت توقايەۆ اسىل تۇقىمدى 2 ءيتتى فرانسيا باسشىسى ەممانيۋەل ماكرونعا سىيعا بەرگەن بولاتىن. وليمپيادا ويىندارىنىڭ اشىلۋى قارساڭىندا ەليسەي سارايى شەتەلدىك تۋريستەردى قابىلدادى، دەپ حابارلايدى almaty-akshamy.kz 24.kz-كە سىلتەمە جاساپ.
تۋريستەر اراسىندا بولعان «24KZ» تەلەارناسىنىڭ مەنشىكتى ءتىلشىسى ءاليا سىزدىقوۆا ءبىرىنشى حانىم بريجيتت ماكروننان تازىلاردىڭ ءحالىن سۇراپتى. جاۋاپ رەتىندە بريجيت حانىم جيۋل مەن جاننانى دالاعا الىپ شىقتى. جاننا العاش رەت كۇشىكتەگەلى ءجۇر ەكەن. فرانسۋز پرەزيدەنتىنىڭ جۇبايى كۇشىكتەردىڭ بىرەۋىن ءبىزدىڭ تىلشىگە سىيلاۋعا ۋادە بەردى. پرەزيدەنت توقايەۆتىڭ تارتۋى ەليسەي سارايىنا كەلۋشى قوناقتاردىڭ كوزايىمىنا اينالعان.