الماتى وبلىسى، قاراساي اۋدانىنان گاشيش جەتكىزىپ، قالا اۋماعىندا ولاردى ساتۋمەن اينالىسقان 34 جاستاعى ا. ەسىمدى ازامات ۇستالدى.
الماتى پوليسەيلەرىنىڭ نازارىنا ىلىككەن كۇدىكتىنىڭ قىلمىستىق ارەكەت جەدەل جانە ارنايى ءىس-شارالار بارىسىندا انىقتالدى، دەپ حابارلايدى Almaty-akshamy.kz.
«ارنايى ءىس-شارا الماتىنىڭ الاتاۋ اۋدانىندا كەشكى التى جارىمدا جۇرگىزىلدى. كۇدىكتىنىڭ Hyundai اۆتوكولىگى توقتاتىلدى. جەكە ءتىنتۋ كەزىندە، سونداي-اق كۇدىكتىنىڭ تۇرعىلىقتى جەرى بويىنشا ءتىنتۋ كەزىندە بىرنەشە پوليمەر بايلامدارى تابىلدى جانە تاركىلەندى. ولاردىڭ ىشىندە جاسىل ءتۇستى وسىمدىك تەكتەس شاڭدى زات بار بولدى. سوت-حيميالىق ساراپتاماسىنىڭ قورىتىندىسىنا سايكەس، تاركىلەنگەن ەسىرتكى زاتى اسا ءىرى كولەمدەگى گاشيش بولىپ تابىلادى. كۇدىكتى ۋاقىتشا ۇستاۋ يزولياتورىنا قامالدى»، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
ق ر قپك-نىڭ 201-بابىنا سايكەس، وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.