الماتىدا قازاقستان رەسپۋبليكاسىنىڭ كوشى-قون زاڭناماسىن بۇزۋشىلىقتاردى انىقتاۋ جانە جولىن كەسۋگە باعىتتالعان ماقساتتى جەدەل الدىن الۋ ءىس-شاراسى جۇرگىزىلىپ جاتىر.
Polisia.kz مالىمەتىنشە، الماتى پوليسياسى 2 كۇن ىشىندە 111 شەتەلدىكتى اكىمشىلىك جاۋاپكەرشىلىككە تارتتى، ونىڭ 23ء-ى – افريكا قۇرلىعى ەلدەرىنىڭ ازاماتى، دەپ حابارلايدى Almaty-akshamy.kz.
«پد-نىڭ قابىلداپ تاراتۋ مەكەمەسىنە جەكە باسىن كۋالاندىراتىن قۇجاتى جوق 32 شەتەلدىك ورنالاستىرىلدى. اكىمشىلىك سوتتىڭ شەشىمىمەن 17 شەتەل ازاماتى قازاقستان رەسپۋبليكاسىنان شىعارىلدى. سونداي-اق شەتەلدىكتەردىڭ قازاقستان رەسپۋبليكاسىندا بولۋىنىڭ زاڭدىلىعىن قامتاماسىز ەتۋ شارالارىن قولدانباعانى ءۇشىن 31 شاقىرۋشى تاراپ جاۋاپكەرشىلىككە تارتىلدى. كاسىپورىنداردىڭ ءبىرىنىڭ باسشىلىعىنا قاتىستى قىلمىستىق ءىس قوزعالدى»، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.