بۇگىن الماتىدا «AMANAT» پارتياسى قالالىق فيليالى جانىنداعى «جاستار رۋحى» جاستار قاناتىنىڭ كەزەكتەن تىس VIII ەسەپ بەرۋ-سايلاۋ كونفەرەنسياسى ءوتتى. بۇل تۋرالى Aqshamnews.kz سايتى حابارلايدى.
جيىندا ۇيىمنىڭ وتكەن كەزەڭدەگى قىزمەتى قورىتىندىلانىپ، الداعى باسىم باعىتتار ايقىندالدى. قاتىسۋشىلار جاستار ساياساتى، كوشباسشىلىقتى دامىتۋ، ەرىكتىلىك قوزعالىسىن نىعايتۋ، سونداي-اق جاستاردىڭ الەۋمەتتىك-ەكونوميكالىق ماسەلەلەرىن شەشۋ جولدارىن تالقىلادى.
كونفەرەنسيا دەلەگاتتارىنىڭ اشىق داۋىس بەرۋى ناتيجەسىندە دىلدابەك ديداربەك جۇماعالي ۇلى «جاستار رۋحى» الماتى قالالىق فيليالىنىڭ جاڭا ءتوراعاسى بولىپ سايلاندى. ءوز سوزىندە ول جاستار ساياساتىن دامىتۋعا قاتىستى كوزقاراسىن ءبىلدىرىپ، ۇيىم جۇمىسىن ودان ءارى جانداندىرۋعا نيەتتى ەكەنىن ايتتى.
ءىس-شاراعا قاتىسقان «جاستار رۋحى» جاستار قاناتىنىڭ ءتوراعاسى اقەركە يسكاندەروۆا جاڭا سايلانعان ءتوراعاعا ساتتىلىك تىلەپ، الداعى جۇمىستاردى ايقىنداپ، ءبىرقاتار ناقتى تاپسىرمالار بەردى.
الداعى ۋاقىتتا «جاستار رۋحى» جاستار باستامالارىن قولداپ، ولاردىڭ قوعامدىق ومىرگە بەلسەندى ارالاسۋىنا جاعداي جاساۋعا باعىتتالعان جۇمىستارىن جالعاستىرادى.