الماتى پوليسياسى “ۋچاسكە” ءىس-شاراسى باستالعاننان بەرى كوشى-قون زاڭناماسىن بۇزۋدىڭ 3 مىڭعا جۋىق دەرەگىن انىقتادى
بۇل ءىس-شارانىڭ ماقساتى – شەتەل ازاماتتارىنىڭ قىلمىس جاساۋىنىڭ الدىن الۋ، دەپ حابارلايدى Almaty-akshamy.kz.
«قالاداعى “ۋچاسكە” ءىس-شاراسىنىڭ 23 كۇنىنىڭ ىشىندە ق ر كوشى-قون زاڭناماسىن بۇزۋدىڭ 2 951 دەرەگى انىقتالدى. ونىڭ 1011ء-ىن شەتەل ازاماتتارى جاساعان. قابىلداپ-تاراتۋعا 441 شەتەلدىك ورنالاستىرىلدى. قازاقستاننان 64 شەتەل ازاماتى شىعارىلدى. سونداي-اق قولدانىستاعى زاڭنامانى ورەسكەل بۇزىپ، شەتەلدىكتەردى قابىلداعان 431 جەكە جانە زاڭدى تۇلعاعا اكىمشىلىك ايىپپۇل سالىندى»، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
وتكەن تاۋلىكتە الماتىنىڭ مەدەۋ اۋدانىندا پوليسيا قىزمەتكەرلەرى زاڭسىز جۇرگەندەردىڭ تاعى ءبىر لەگىن انىقتادى. قۇرىلىس الاڭىندا تاجىكستاننىڭ 14 ازاماتى زاڭسىز جۇمىس ىستەگەن، ونىڭ ۇستىنە ولاردا جەكە باسىن كۋالاندىراتىن قۇجاتتارى دا بولماعان. قۇقىق بۇزۋشىلار پد-نىڭ قابىلداپ-تاراتۋىنا ورنالاستىرىلدى.