دەپۋتات داۋلەت تۇرلىحانوۆتىڭ ەكىنشى ۇلى دا ءبىر ايەلدى تاياقتاپ تاستاپتى. الەۋمەتتىك جەلىلەردە ۆيدەوسى جاريالانعان، دەپ حابارلايدى Almaty-akshamy.kz.
سوڭعى كەزدەرى حالىق قالاۋلىسىنىڭ ۇلدارى اكەسىن جەرگە قاراتىپ جاتىر. دەگەنمەن، حالىق قالاۋلىسى ۇلدارىنىڭ ارەكەتىنە تۇسىنىك بەرۋدەن شارشامايتىن سەكىلدى. ەكىنشى ۇلىنىڭ شالت ارەكەتىن ايتىپ، حالىق قالاۋلىسى ءوزىنىڭ الەۋمەتتىك جەلىسىندە اقتالىپتى.
«قۇرمەتتى قاۋىم!
بۇگىنگى الەۋمەتتىك جەلىلەردە مەنىڭ ۇلىما قاتىستى تاراعان ۆيدەو بويىنشا تۇسىنىك بەرۋدى ءجون كوردىم.
وزدەرىڭىز بىلەتىندەي، مەنىڭ اۋلەتىم اينالاسىنداعى مۇنداي وقيعالار ءبىرىنشى رەت ەمەس. وسىنداي وقيعالاردىڭ زاڭدىلىقپەن قايتالانۋى مەنىڭ كوڭىلىمە ەرىكسىز وي سالادى. مەن ءوز تاراپىمنان بالالارىما تولىقتاي اكەلىك، قازاقى تاربيە بەردىم. بۇگىنگى ۆيدەوعا قاتىستى مەنىڭ دە قوياتىن ءبىر سۇراعىم بار. تاڭعى ساعات 4-تە مۇنداي ازاماتشالار ۇلىم تۇراتىن ۇيگە كەلىپ، نەگە ونداي وقيعاعا باستاۋ بولاتىنى تۇسىنىكسىز. جانە بۇل جاعداي اياق استىنان كامەرالارعا ءتۇسىپ قالىپ، بەلگىلى ءبىر ادامدارعا پايدالى قيىندىلارىنىڭ اقپارات قۇرالدارىنا تاراۋى، مەنىڭ عانا ەمەس، كەز كەلگەن ادامنىڭ كوڭىلىنە كۇمان كەلتىرەدى.بۇل مەنىڭ وتباسىما سوڭعى جىلدارى جاسالعان كەزەكتى اقپاراتتىق شابۋىل دەپ ويلايمىن. ۆيدەونى اڭعارعان ادامعا مەنىڭ بالامنىڭ بۇل جانجالدان بارىنشا قاشقاقتاۋعا ارەكەت جاساعانى انىق كورىنەدى. سىزدەرگە تۇسىنىكتى بولۋ ءۇشىن ۆيدەونىڭ تولىق نۇسقاسىن جولداپ وتىرمىن. وسى بولعان جاعدايدى دۇرىس تۇسىنۋلەرىڭىزدى سۇرايمىن»، - دەدى حالىق قالاۋلىسى.
ايتا كەتسەك، بۇعان دەيىن ءماجىلىس دەپۋتاتىنىڭ ۇلكەن ۇلى ماحابباتى ءۇشىن اسكەردەن قاشىپ كەتكەنى تۋرالى جازعان ەدىك. سول كەزدە دە حالىق قالاۋلىسى بالاسىنىڭ ارەكەتىنە تۇسىنىك بەرىپ، ەلدىڭ الدىندا اقتالعان بولاتىن.