الماتىدا ىستىق اۋا رايى ءالى ساقتالادى

كونسۋلتاتيۆتىك اۋا رايى بولجامى ۇسىنىلدى

الماتىدا الداعى اپتادا ىستىق اۋا رايى ساقتالادى. بۇل تۋرالى «قازگيدرومەت» رمك-دان ءمالىم ەتتى، دەپ حابارلايدى Almaty-akshamy.kz. «قازگيدرومەت» رمك الماتى قالاسى فيليالى مەتەورولوگيالىق بولجامدار ءبولىمىنىڭ باستىعى داۋلەت قيسەبايەۆتىڭ ايتۋىنشا، الماتىدا الداعى اپتادا ىستىق اۋا رايى ءالى ساقتالادى. 

«تاۋلى اۋدانداردا، جەكەلەگەن شاتقالداردا وتكىنشى جاڭبىر جاۋىپ، كۇن كۇركىرەيدى. ءبىراق، بۇل نەگىزىنەن ورتا تاۋلار مەن تەڭىز دەڭگەيىنەن 2000 مەتردەن جوعارى بيىك تاۋلاردا كۇتىلەدى. قاتتى ىستىق يران، اۋعانستان، يراكتىڭ اۋماقتارىنان ىستىق جانە قۇرعاق اۋا ماسسالارىنىڭ ورتالىق ازيا ارقىلى رەسپۋبليكانىڭ وڭتۇستىك جارتىسىنا شىعارىلۋىنا بايلانىستى بولادى»،- دەدى ول.

 قازگيدرومەتتىڭ مالىمەتىنە سايكەس، 22 جانە 23 شىلدەدە تەرمومەتر باعاندارى 36-38 گرادۋس، تۇندە 21-23 گرادۋس جىلۋدى كورسەتەدى. سونداي-اق، كوشپەلى بۇلت شىعادى، جاۋىن-شاشىنسىز بولادى دەپ بولجانۋدا. شىلدە ايىنىڭ ءۇشىنشى ونكۇندىگىنە الماتى قالاسى بويىنشا كونسۋلتاتيۆتىك اۋا رايى بولجامى ۇسىنىلدى. وعان سايكەس، 24-27 شىلدەدە كوشپەلى بۇلت شىعادى، جاۋىن-شاشىنسىز بولادى دەپ كۇتىلەدى. اۋا تەمپەراتۋراسى تۇندە + 23+25°، كۇندىز + 36+38°. 28 شىلدەدە كوشپەلى بۇلت شىعادى، وتكىنشى جاڭبىر جاۋادى، كۇن كۇركىرەيدى. اۋا تەمپەراتۋراسى تۇندە +25+27°، كۇندىز +35+37° بولادى. 29-31 شىلدەدە كوشپەلى بۇلت شىعادى، وتكىنشى جاڭبىر جاۋادى، كۇن كۇركىرەيدى. باتىستا ەكپىنى 13 م/س بولاتىن جەل سوعادى، تۇندە اۋا تەمپەراتۋراسى +23+25°، كۇندىز +30+32° بولادى. الماتى قالالىق تجد قالا تۇرعىندارى مەن قوناقتارىن ىستىق وتۋدەن جانە دەنە شىنىقتىرۋمەن اينالىسۋ ءۇشىن كوشەگە سەرۋەندەۋدەن باس تارتۋعا شاقىردى.