كونسەرتتىڭ تولىق نۇسقاسى «الماتى» تەلەارناسىنان كورسەتىلەدى
الماتىدا «باقىت دەگەن – سەنىڭ بالا كۇندەرىڭ» اتتى بالالار ۆوكالدىق فەستيۆالى باستالدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
بيىل رەسپۋبليكالىق بايقاۋ 6-رەت وتكىزىلىپ وتىر. ءبىرىنشى كەزەڭدە قاتىسۋشىلار قازاقستاندىق ونەر جۇلدىزدارىنىڭ تۋىندىلارىن، ال ەكىنشى كەزەڭدە شەتەلدىك تانىمال اندەردى شىرقايدى. ولاردىڭ اراسىنان ۇزدىك شىققاندار ەرتەڭ گالا-كونسەرتتە وتاندىق ەسترادا جۇلدىزدارىمەن جۇپ بولىپ ونەر كورسەتەدى. بۇل تالابى تاۋداي تالانتتاردىڭ جولىن اشۋعا مۇمكىندىك بەرەتىن تەليەۆيزيالىق جوبا. كونسەرتتىڭ تولىق نۇسقاسى الداعى دەمالىس كۇندەرى «الماتى» تەلەارناسىنان كورسەتىلەدى.
«بايقاۋدىڭ باسقالاردان ەرەكشەلىگى – رەاليتي شوۋ فورماتىندا ءوتتى. ەلىمىزدىڭ تۇكپىر-تۇكپىرىنەن جينالعان قاتىسۋشىلار 1 ايداي الماتىدا بولدى. وسى ۋاقىت ارالىعىندا ءان ساباعىنان قازاقستاندىق جۇلدىزدار شەبەرلىك ساعات وتكىزدى. بىرگە قىدىرىپ، كوڭىلدى ۋاقىت وتكىزدى. كونسەرتتىڭ قورىتىندى كەزەڭى ەرتەڭ وتەدى»، – دەدى قازاقستاننىڭ ەڭبەك سىڭىرگەن ءارتىسى ايجان نۇرماعانبەتوۆا.
جىل سايىن ءداستۇرلى تۇردە وتەتىن جوباعا قىزىعۋشىلىق تانىتقاندار كوپ ەكەن. بيىلدىڭ وزىندە ەلىمىزدىڭ ءار ايماعىنان 7 مىڭنان استام ءوتىنىم كەلىپ تۇسكەن. كاستينگ ونلاين ۇيىمداستىرىلىپتى. ولاردىڭ ىشىندە ەرەكشە داۋىسىمەن كوزگە تۇسكەن 11 بالا ىرىكتەۋدەن ءوتتى.
«سەمەي قالاسىنان كەلدىم. ونەرمەن اينالىسىپ جۇرگەنىمە 7 جىل ۋاقىت بولدى. مەنىڭ بۇگىنگى ورىندايتىن ءانىم «قورقىت-قوبىز» دەپ اتالادى. بۇل ءاننىڭ ءستيلىن قۇرالاي مەيرامبەكتەن الدىم. ەكىنشى ولەڭىم – «Indila Dernière danse»، – دەدى بايقاۋعا قاتىسۋشى كاۋسار ماۋلەن.