الماتى قالاسىنىڭ اكىمى باقىتجان ساعىنتايەۆ «الماتى» تەلەارناسىنداعى جول ينفراقۇرىلىمىن دامىتۋ جونىندەگى ونلاين-تانىستىرىلىم بارىسىندا قالادا جكو-نىڭ، اپاتتاردا جاراقات العاندار مەن قازا بولعانداردىڭ سانىن تومەندەتۋگە باعىتتالعان Vision Zero باعدارلاماسى تۋرالى ايتتى، دەپ حابارلايدى Almaty-akshamy.kz.
«ءبىز ءقاۋىپسىز، قولجەتىمدى ءارى جايلى كوشە ينفراقۇرىلىمىن قۇرۋعا تىرىسامىز. نەگىزگى باسىمدىق – جاياۋ جۇرگىنشىلەر قاۋىپسىزدىگى»، – دەدى ب. ساعىنتايەۆ.
باعدارلاما اياسىندا 2020 جىلى 316 ۋچاسكەنىڭ، ونىڭ ىشىندە 120 مەكتەپتىڭ جولىنا قيسىق توسەمدەر ورناتىلدى. سونداي-اق، 18 تراپەسيا ءتارىزدى وتكەلدەردىڭ 16-سى مەكتەپ الدىنا قتيىلدى، 15 باعدارشام ورناتىلدى، 115 رەتتەلمەگەن جاڭا جاياۋ جۇرگىنشىلەر وتكەلى جابدىقتالدى، 10 قاۋىپسىزدىك ارالى ۇيىمداستىرىلدى. سونىمەن قاتار، جۇرگىنشىلەرگە ىڭعايلى بولۋ ءۇشىن جەراستى وتكەلدەرىنىڭ جانىنا باعدارشامدارى بار 5 جەرۇستى جاياۋ جۇرگىنشىلەر وتكەلى جاسالادى.
بيىل باعدارلاما جالعاسىن تاپتى. 20 قاۋىپسىزدىك ارالىن جابدىقتاۋ، 34 باعدارشامدى، 28 جاياۋ جۇرگىنشىلەر باعدارشامىن ورناتۋ، جارىق شامدارى قويىلعان 30 رەتتەلمەگەن جاياۋ جۇرگىنشىلەر وتكەلىن ۇيىمداستىرۋ جوسپارلانعان.
مەكتەپ الدىندا تراپەسيا ءتارىزدى 20 وتكەل ۇيىمداستىرۋ جوسپارلانۋدا. ۆەلوسيپەدشىلەردىڭ قاۋىپسىزدىگىن ارتتىرۋ ءۇشىن قالانىڭ ۆەلوسيپەد جولدارىنىڭ بويىنا 2000 جول بوگەگىشتەرى (بوللار) ورناتىلادى.
الماتىدا جول قاۋىپسىزدىگىن ارتتىرۋ ماقساتىندا قۇقىق بۇزۋشىلىقتىڭ الدىن الۋ مەن باقىلاۋدىڭ زاماناۋي تەحنولوگيالارىن ەنگىزۋ جالعاسۋدا. وتكەن جىلى «سەرگەك» كامەرالارىنىڭ سانى 464 كەشەندە 2،3 مىڭنان استام بىرلىككە جەتكىزىلدى.
كامەرالار وزدەرىنىڭ تيىمدىلىگىن كورسەتتى: جولدارداعى ءولىم-جىتىم 48%-عا، جازاتايىم وقيعالار سانى 29%-عا ازايدى. وتكەن جىلى كامەرالاردىڭ كومەگىمەن 900 مىڭ قۇقىق بۇزۋشىلىق انىقتالدى. 2021 جىلدىڭ قاڭتارىنان ماۋسىمىنا دەيىن 600 مىڭنان استام بۇزۋشىلىقتار تىركەلدى.
جۇيە قىلمىستىق قۇقىق بۇزۋشىلىقتاردى شەشۋدە بەلسەندى قولدانىلادى. وسىلايشا، «سەرگەك» كامەرالارىنىڭ كومەگىمەن 50-دەن استام قىلمىستىق قۇقىق بۇزۋشىلىق اشىلدى.
بيىل «سەرگەك» جوباسىن 766 كەشەنگە، قيىلىستار مەن سىزىقتىق ۋچاسكەلەردە ءارقايسىسى 383 كەشەنگە، جالپى سانى 5 مىڭنان استام كامەراعا دەيىن ارتتىرۋ جوسپارلانىپ وتىر.