اتالعان شارا 5 كۇنگە سوزىلادى.
كينوفەستيۆالدىڭ باستى ميسسياسى - جاس تالانتتى كينەماتوگرافيستەردى قولداۋ.
فەستيۆالدىڭ رەسمي اشىلۋ سالتاناتى "ارمان" كينوتەاترىندا ءوتتى، دەپ حابارلايدى Almaty-akshamy.kz.
شارانى Baiqonyr-دىڭ پرەزيدەنتى ءانۋار كەنجەبايەۆ باستاپ، فەستيۆال كومانداسىنىڭ بۇگىنگى ءىس-شارانىڭ ءوتۋى ءۇشىن جۇمساعان كۇش-جىگەرىنىڭ ماڭىزدىلىعىن اتاپ ءوتىپ، بيىلعى كينوفەستيۆالدىڭ جاڭالىقتارى تۋرالى ايتىپ بەردى. سەگىزىنشى فەستيۆالدىڭ باستى جاڭالىعى - Baiqonyr اياسىندا Almaty Animation Festival اتتى جاڭا حالىقارالىق فەستيۆالدىڭ پايدا بولۋى. ونىڭ ديرەكتورى رەجيسسەر-انيماتور انيتا چەرنىح تا قوناقتارعا سالەمىن جولدادى. ودان كەيىن Baiqonyr فەستيۆالىنىڭ باعدارلامالىق ديرەكتورى جانە كينوسىنشىلار مەن كينوتانۋشىلار فورۋمىنىڭ ءتوراعاسى ەرجان جۇمابەكوۆ ءسوز سويلەپ، كوپشىلىككە فەستيۆالدىڭ كونكۋرستىق باعدارلامالارىنىڭ قازىلار القاسىنىڭ مۇشەلەرىن تانىستىردى.
كەش قازاقستاندىق كينورەجيسسەر دارحان تولەگەنوۆتىڭ تولىقمەتراجدى دەبيۋتى – "اعايىندىلار" كارتيناسىنىڭ كورسەتىلىمىمەن اياقتالدى. بۇل ءفيلمدى فەستيۆالدىڭ اشىلۋىنا تاڭداۋ - كەزدەيسوق ەمەس. دارحاندى العاشقى رەت كوپشىلىككە تانىتقان جانە ءبىرىنشى بەدەلدى سىيلىعىن بەرگەن وسى «بايقوڭىر» فەستيۆالى. بۇل تۋرالى اۆتوردىڭ ءوزى كورسەتىلىم الدىندا ايتتى.
ال بۇگىن، 7 قىركۇيەكتە، "ارمان" كينوتەاترىنىڭ «قىزىل زالىندا» Baiqonyr حالىقارالىق قىسقامەتراجدى كوركەم جانە دەرەكتى كينو بايقاۋىنىڭ، «كوك زالدا» Almaty Animation Festival نەگىزگى بايقاۋىنىڭ كينو كورسەتىلىمدەرى باستالادى. ولاردىڭ الدىندا كينوتانۋشىلار مەن كينوسىنشىلاردىڭ II حالىقارالىق فورۋمى وتەدى – بۇل فەستيۆالدىڭ ماڭىزدى وقيعالارىنىڭ ءبىرى.
كونكۋرستان تىس باعدارلامانىڭ ماڭىزدى وقيعاسى 8 قىركۇيەكتە وتەتىن كورەي انيماسيالىق كينو كۇنى بولماق. ول كورەي-قازاق انيماسياسىنىڭ ۇلكەن ارنايى جوباسى اياسىندا وتكىزىلەدى. كورەي تاراپىنان سەرىكتەس پۋچحونداعى حالىقارالىق انيماسيا فەستيۆالى (BIAF).
سونداي-اق، بيىلعى جىلى وتكەن قازاقستان كينوسىنشىلارى قاۋىمداستىعىنىڭ ۇلتتىق سىيلىعىنىڭ جەڭىمپازدارىن ماراپاتتاۋ راسىمىندە Baiqonyr پرەزيدەنتى ءانۋار كەنجەبايەۆقا "فەستيۆال قوزعالىسىنا قوسقان ۇلەسى ءۇشىن" ارنايى سىيلىعى بەرلىگەنىن اتاپ وتەمىز.
فەستيۆال ءداستۇرلى تۇردە تمد-عا قاتىسۋشى مەملەكەتتەردىڭ مەملەكەتارالىق گۋمانيتارلىق ىنتىماقتاستىق قورىنىڭ قولداۋىمەن وتكىزىلەدى.
فەستيۆالدىڭ اقپاراتتىق سەرىكتەستەرى: «حابار» اگەنتتىگى، «الماتى» تەلەكانالى، «ەلدوراديو» جانە «جۋلدىز» راديوستانسيالارى، «ەگەمەن قازاقستان»، «كازاحستانسكايا پراۆدا»، «انتەننا كازاحستان»، «ۆرەميا» باسىلىمدارى، Orda.kz، Baribar.kz، 365info، Global.news.kz، BAQ.kz، QAZ365.kz، PRO Production ينتەرنەت-پورتالدارى جانە JAS ÓNER جۋرنالى.