الماتىدا جول جوندەۋ كومپانيالارىنىڭ «قارا» ءتىزىمى جاسالدى

ەربولات دوسايەۆ: بىزدە جول جوندەۋ كومپانيالارىنىڭ «قارا» ءتىزىمى بار، ولاردى ءوز شۇڭقىرلارى مەن اقاۋلارىن جويۋعا ماجبۇرلەيمىز

بۇگىن الماتى اكىمى ەربولات دوسايەۆتىڭ جەتىسۋ اۋدانى تۇرعىندارىمەن كەزدەسۋى ءوتتى. ونىڭ باراسىندا اۋدان تۇرعىندارى قالا باسشىسىنا سۇراقتارىن قويىا، وتىنىش-تىلەكتەرىن ءبىلدىردى، دەپ حابارلايدى Almaty-akshamy.kz.

تۇرعىننىڭ سۇراعى: بىزگە كومەكتەسەتىن تازالىقشىلاردى بەرگەنىڭىز ءۇشىن العىس ايتقىم كەلەدى. مەن 1994 جىلدان بەرى جىلجىمايتىن مۇلىك يەلەرى قاۋىمداستىعىنىڭ ءتوراعاسىمىن. مەنىڭ سۇراعىم مىناۋ: جەر شۇڭقىر، ۇيگە كىرەتىن جول جوق. شىلدە ايىندا شۇڭقىردى جاماپ، تەگىستەپ بەرەمىز دەپ ۋادە بەرگەنسىزدەر. ەمىن-ەركىن ءجۇرىپ-تۇرۋ ءۇشىن جولدى جوندەپ بەرۋىڭىزدى سۇرايمىن. 
مەكەن-جايى: ەيحە كوشەسى، 21.

الماتى اكىمى ەربولات دوسايەۆ: 
"وكىنىشكە قاراي، جەتىسۋ اۋدانىندا ءوز جۇمىستارىن ساپاسىز ورىندايتىن مەردىگەرلەردىڭ بەلگىلى ءبىر ءتىزىمى بار. سولاردىڭ ءبىرى - "سۇڭقار" ج ش س، ولاردى ساپاسىز جۇمىستارىن قالپىنا كەلتىرۋگە ماجبۇرلەيمىز. مەن اكىمدىككە ءسىز ايتقان مەكەنجاي بويىنشا تاپسىرما بەرەمىن. ءبىز قىركۇيەك ايىنىڭ سوڭىنا دەيىن جۇمىستى اياقتاۋعا تىرىسامىز: ونى مۇمكىندىگىنشە ىڭعايلى ەتىپ جاسايمىز جانە قىستا ەشقانداي پروبلەما بولمايدى"، -  دەپ جاۋاپ بەردى. 

بۇعان دەيىن، بايانداما بارىسىندا مەگاپوليس اكىمى بيىل جەتىسۋ اۋدانىندا 18 كوشەدە 22 شاقىرىم جولعا ورتاشا جوندەۋ جۇمىستارىن جۇرگىزۋ جوسپارلانعانىن حابارلادى. 4 كوشەدە (وماروۆ، قازىبايەۆ، قوجامياروۆ، قازىبايەۆ كوشەسى) جول جوندەۋ جۇمىستارى اعىمداعى جىلدىڭ قىركۇيەك ايىندا اياقتالادى، قالعان 14 كوشە اعىمداعى جىلدىڭ قازان ايىندا اياقتالادى. قازان ايىنىڭ سوڭىنا دەيىن اعىمداعى جوندەۋمەن تاعى 7 مىڭ م2 قامتىلادى.