كىتاپتىڭ تۇساۋكەسەرىنە كومپوزيتوردىڭ ونەردەگى، ومىردەگى تىلەۋلەستەرى قۇتتىقتاپ كەلدى.
بۇگىن ۇلتتىق كىتاپحانادا قازاقستاننىڭ ەڭبەك سىڭىرگەن قايراتكەرى، كومپوزيتور قالدىبەك ءقۇرمانالىنىڭ فوتوالبوم كىتابىنىڭ تۇساۋكەسەرى ءوتىپ جاتىر، دەپ حابارلايدى Almaty-akshamy.kz ءتىلشىسى
جاڭا كىتاپتىڭ تۇساۋىن كەسۋ قۇرمەتى قالدىبەك ءقۇرمانالىنىڭ اعاسى كارىمبەك ءقۇرمانالى، امالبەك تشانوۆ، مۇرات جۇرىنوۆ، ماماي احەتوۆ، زەينەپ احمەتوۆا، اياگۇل ميرازوۆالارعا ۇسىنىلدى.
«قازاقتىڭ ءان ونەرىن ولتىرمەي جالعاستىرىپ كەلە جاتقان كومپوزيتوردىڭ ءبىرى دەپ قالدىبەكتى ايتۋعا بولادى. ءبىر عانا ءشامشىنى زەرتتەۋدەگى ەڭبەگىنىڭ ءوزى اۋىز تولتىرىپ ايتارلىق. ونىڭ اندەرى نەگە كەڭ تانىلادى، كوپشىلىكتىڭ كوكەيىنە نەگە تەز قونادى دەگەنگە كەلسەك، بۇل قالدىبەكتىڭ ۇلتتىق قايناردان سۋسىنداپ وسكەندىگىنەن. رۋحاني مۇراتقا، اعا بۋىننىڭ ونەرىنە دەگەن ادالدىق ونىڭ اندەرىنىڭ تانىمالدىعىنىڭ بىردەن ءبىر سەبەبى»، دەدى قالامگەر قالي سارسەنباي.
