بۇل ازامات بۇرىن دا وسىنداي باپ بويىنشا سوتتالعان.
الماتىدا ۆەلوسيپەد ۇرلاپ جۇرگەن تۇرعىن ۇستالدى، – دەپ حابارلايدى Polisia.kz. قاسكويدى تەك المالى اۋدانىنداعى كوپقاباتتى ۇيلەردىڭ كىرەبەرىسىنەن الىپ شىعىپ جۇرگەن بالالار ۆەلوسيپەدتەرى عانا قىزىقتىردى.
«جەدەل-ىزدەستىرۋ ءىس-شارالارىنىڭ بارىسىندا ۇرلىق جاساعانىن مويىنداعان 24 جاستاعى شاھار تۇرعىنى ۇستالدى. قازىرگى ۋاقىتتا كۇدىكتىنىڭ وسىعان ۇقساس جەتى قىلمىسقا قاتىستىلىعى دالەلدەندى. جاس جىگىت ۆەلوسيپەدتەردى ارزان باعاعا ساتىپ، اقشانى جەكە قاجەتتىلىكتەرىنە جۇمساعان»، – دەيدى المالى اۋدانى پب جانىنداعى پوليسيا ءبولىمىنىڭ باسشىسى مەيىرحان جاڭابايەۆ.
وزگەنىڭ ۆەلوسيپەدىن «جاقسى كورەتىن» ازامات بۇرىن دا وسىنداي باپ بويىنشا سوتتالعان. سوتقا دەيىنگى تەرگەۋ مەرزىمىندە كۇدىكتى بۇلتارتپاۋ شاراسى رەتىندە قاماۋعا الىندى. ونىڭ وسىعان ۇقساس اشىلماعان قىلمىستارعا قاتىسى بار-جوعىن انىقتاۋ جۇمىستارى جۇرگىزىلۋدە. بارلىق جەتى ەپيزود ءبىر وندىرىسكە بىرىكتىرىلىپ، قىلمىستىق ءىس ق ر قك-نىڭ 188-بابى 1ء-بولىمى بويىنشا تەرگەلۋدە.