قازاقستاننىڭ 5 وبلىسىندا اۋا رايىنا بايلانىستى ەسكەرتۋ جاريالاندى.
«قازگيدرومەت» رمك قازاقستاننىڭ 5 وبلىسىندا اۋا رايى تۇماندى، جەلدى بولماق، دەپ حابارلايدى Almaty-akshamy.kz
6 قاراشا كۇنى تاۋلىك بويى تۇركىستان وبلىسىنىڭ تاۋ بوكتەرلى جانە وڭتۇستىك اۋداندارىندا تۇمان ءتۇسۋى ىقتيمال. شىمكەنتتە دە 6 قاراشا كۇنى تۇمان ءتۇسۋى ىقتيمال.
باتىس قازاقستان وبلىسىندا جەل وڭتۇستىك-شىعىستان، وڭتۇستىكتەن سوعادى، وبلىستىڭ وڭتۇستىگىندە ەكپىنى 15-20 م/س جەل سوعادى. ورالدا 6 قاراشادا جەل وڭتۇستىك-شىعىستان، وڭتۇستىكتەن سوعادى، كۇندىز ەكپىنى 15-20 م/س بولادى.
اقمولا وبلىسىنىڭ سولتۇستىگىندە باتىستان، وڭتۇستىك-باتىستان جەل سوعادى، ەكپىنى 15-20 م/س بولادى. كوكشەتاۋدا 6 قاراشادا باتىستان، وڭتۇستىك-باتىستان جەل سوعادى، ەكپىنى 15 م/س.
قىزىلوردا وبلىسىنىڭ ورتالىعىندا شاڭدى داۋىل تۇرادى. جەل سولتۇستىك-شىعىستان سوعادى، وبلىستىڭ ورتالىعىندا جانە وڭتۇستىگىندە جەلدىڭ جىلدامدىعى 15-20 م/س بولادى. قىزىلوردادا 6 قاراشادا جەل سولتۇستىك-شىعىستان سوعادى، كۇندىز ەكپىنى 15-20 م/س بولادى.
تۇندە جانە تاڭەرتەڭ الماتى وبلىسىنىڭ سولتۇستىگىندە جانە تاۋلى اۋدانداردا تۇمان تۇسەدى، 6-8 قاراشادا الاكول كولدەرىنىڭ اۋدانىندا جەل شىعىستان سوعادى، كۇشى 17-22 م/س كۇتىلەدى.