2025 جىلدىڭ قاڭتار-ناۋرىز ايىندا الماتىداعى بولشەك ساۋدا كولەمى 1،4 ترلن تەڭگە بولدى. قالاداعى بولشەك تاۋار اينالىمىنىڭ رەسپۋبليكالىق كولەمدەگى ۇلەسى – 31،6%. بۇل تۋرالى الماتى قالاسىنىڭ كاسىپكەرلىك جانە ينۆەستيسيالار باسقارماسى حابارلادى.
ولاردىڭ مالىمەتىنشە، اتالعان كەزەڭدە ازىق-تۇلىك تاۋارلارىنىڭ ساتۋ كولەمى 303،6 ملرد تەڭگەگە (ۇلەسى – 21%)، ال ازىق-تۇلىككە جاتپايتىن تاۋارلار – 1،1 ترلن تەڭگەگە (ۇلەسى – 79%) جەتكەن.
2025 جىلى ناۋرىزدا بولشەك ساۋدا تاۋار اينالىمىنىڭ كولەمى الدىڭعى ايمەن سالىستىرعاندا سالىستىرمالى باعامەن 23%-عا ارتقان (571،2 ملرد تەڭگە). سونداي-اق، ازىق-تۇلىككە جاتپايتىن تاۋارلار بويىنشا دا 15،3%-عا ءوسىم بايقالدى، دەپ اتاپ ءوتتى قالالىق كاسىپكەرلىك جانە ينۆەستيسيالار باسقارماسى.
