ەكپەنى 60-تان اسقاندار مەن سوزىلمالى اۋرۋلارى بار ادامدار ءجيى سالعىزىپ جاتىر.
الماتى سانيتارلىق-ەپيدەميولوگيالىق باقىلاۋ دەپارتامەنتىنىڭ ماماندارى «ستەلس-وميكروندى» ۆاكسينا سالدىرماعاندار مەن قايتالاپ ەكپە الدىرماعانداردىڭ جۇقتىرعانىن ايتادى، دەپ حابارلايدى Almaty-akshamy.kz Turkystan.kz سايتىنا سىلتەمە جاساپ.
دارىگەرلەردىڭ ايتۋىنشا، ەكپەنى ءبىر جىلدان استام ۋاقىت بۇرىن العاندار دا اۋرۋ جۇقتىرۋى مۇمكىن. ويتكەنى «ستەلس-وميكرون» السىرەگەن يممۋنيتەتتى بۇزىپ، اعزاعا ەنۋ قابىلەتىنە يە.
«ەلىمىز بويىنشا 4 ءتۇرلى ۆاكسينا بار. بۇل ءقازىر QazVac، سپۋتنيك V، Vero Cell جانە Pfizer ەكپەلەرى. ءقازىر كوبىنە قازاقستاندىق QazVac ۆاكسيناسى جۇرگىزىلەدى. بۇگىندە الماتى قالاسى بويىنشا 1 كۇندە شامامەن 1 200-1 300 ادام ۆاكسينا الادى. ءبىزدىڭ ەمحانادا ءبىر كۇندە 400-دەي ادام ەكپە سالدىرادى»،- دەيدى الماتىلىق دارىگەر راۋان نۇركەنوۆ.