قازاقستاندى سەنىمدى ترانزيتتىك حاب رەتىندە دامىتۋ كەرەك.
توقايەۆ قاي جەرلەردە تەمىرجول سالىناتىنىن ايتتى، دەپ حابارلايدى Almaty-akshamy.kz.
پرەزيدەنت قاسىم-جومارت توقايەۆتىڭ پىكىرىنشە، وتاندىق ءونىمنىڭ ەكسپورتقا ءقاۋىپسىز ءارى ۇزدىكسىز شىعارىلۋىن قامتاماسىز ەتۋ ءۇشىن كەشەندى شارالار قابىلداۋ قاجەت. ورتالىق ازيا ايماعىنداعى كوشباسشىلىقتى ساقتاپ، قازاقستاندى سەنىمدى ترانزيتتىك حاب رەتىندە دامىتۋ كەرەك.
وسى ماقساتتا بالاما تەمىرجول باعىتتارىن قالىپتاستىرۋ قاجەت. بۇل جەردە دوستىق – مويىنتى، باقتى – اياگوز، ماقتاارال – داربازا جوبالارىن جۇزەگە اسىرۋ، الماتى قالاسىن اينالىپ وتەتىن تەمىرجول جەلىسىن سالۋ جونىندە ءسوز بولىپ وتىر.
توقايەۆ تەمىرجول پاركىنىڭ جۇمىسىن جانداندىرۋ جانە جولدارعا كۇردەلى جوندەۋ جۇرگىزۋ جونىندە شارالار قابىلداۋدى تاپسىردى.
«وتاندىق تەمىرجول سالاسىندا ماشينا جاساۋ ءىسىن دامىتۋعا باسا ءمان بەرۋ قاجەت. ونىڭ العىشارتتارى بار. قازاقستاندىق وندىرۋشىلەردى بەلسەندى تۇردە قولداۋ كەرەك»، – دەدى مەملەكەت باسشىسى.