الماتى قالاسىندا قازاقستان حالقى اسسامبلەياسى اقساقالدار كەڭەسىنىڭ «ادال ازامات – ۇلت كەلبەتى» اتتى V رەسپۋبليكالىق فورۋمى ءوتتى، دەپ حابارلايدى aqshamnews.kz
ءىس-شاراعا قحا ءتوراعاسىنىڭ ورىنباسارى مارات ءازىلحانوۆ، قازاقستان رەسپۋبليكاسى پارلامەنتى ءماجىلىسىنىڭ دەپۋتاتى سەرگەي پونوماريەۆ، الماتى قالاسى اكىمىنىڭ ورىنباسارى ازامات قالدىبەكوۆ، ەتنومادەني بىرلەستىكتەردىڭ وكىلدەرى، قحا قوعامدىق قۇرىلىمدارىنىڭ مۇشەلەرى جانە وڭىرلىك اقساقالدار كەڭەستەرىنىڭ ءتوراعالارى قاتىستى.
فورۋم اياسىندا قحا XXXIV سەسسياسىندا مەملەكەت باسشىسى بەرگەن تاپسىرمالاردى ورىنداۋ ماسەلەلەرى، اسسامبلەيانىڭ 30 جىلدىق قىزمەتىنىڭ قورىتىندىلارى تالقىلاندى. سونداي-اق ەتنوسارالىق كەلىسىمدى نىعايتۋدا، جاستارعا ءداستۇرلى قۇندىلىقتاردى دارىپتەۋدە اقساقالداردىڭ ءرولى ءسوز ەتىلدى.
پلەنارلىق سەسسيادا «ادال ازامات» جوباسىن جۇزەگە اسىرۋ، ەتنومەدياسيانى دامىتۋعا، انالار كەڭەستەرىمەن ءوزارا بايلانىس ورناتۋ، سونداي-اق جاستاردى ادامگەرشىلىككە جانە پاتريوتيزمگە تاربيەلەۋ سەكىلدى ماسەلەلەرگە ەرەكشە نازار اۋدارىلدى.