الماتىدا ۇزدىك پاترۋلدىك پوليسيا قىزمەتكەرى انىقتالدى

28 جاستاعى جانگەلدى قالييەۆ ۇزدىك پاترۋلدىك پوليسيا قىزمەتكەرى اتاندى.

ول پوليسيادا ءتورت جىلدان بەرى قىزمەت ەتىپ كەلەدى. الايدا جۇمىسقا كىرگەنىنە كوپ بولماسا دا قىزمەتكە ەرەكشە كوزگە ءتۇستى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«بىرىنشىدەن، ول وتە ادەپتى، ەڭبەكقور جانە جان-جاقتى. ونىڭ قىزمەت كەستەسى تىعىز بولعانىمەن، كاسىبي سپورتپەن اينالىسۋعا ۋاقىت پەن كۇش-قۋات تابادى. ول – جاۋىنگەرلىك سامبودان حالىقارالىق دارەجەدەگى سپورت شەبەرى. ونى ۇجىم ەرەكشە قۇرمەتتەيدى. ءبىز ونى وزگەلەرگە ۇلگى ەتىپ كەلەمىز»، – دەدى الماتى قالاسى پد جپقب پاترۋلدىك پوليسيا پولكىنىڭ كومانديرى ورالبەك احيموۆ.

«الماتى قالاسىنىڭ ۇزدىك پاترۋلدىك پوليسەيى» بايقاۋىنا بارلىعى 8 ينسپەكتور قاتىستى. قازىلار القاسى ولاردىڭ اتىس جانە دەنە دايىندىعىنا، قازاقستان رەسپۋبليكاسىنىڭ زاڭناماسىن بىلۋىنە، كولىك جۇرگىزۋ داعدىلارىنا جانە العاشقى مەديسينالىق كومەك كورسەتۋلەرىنە باسا نازار اۋداردى. ايتپاقشى، الماتىنىڭ ۇزدىك پاترۋلدىك قىزمەتكەرى وسى اتتاس رەسپۋبليكالىق بايقاۋدا شاھار نامىسىن قورعايدى.