قىرعىزستاندا بالمۇزداق تيەگەن جۇك كولىگى بالالاردى قاعىپ كەتتى. قايعىلى وقيعادان كەيىن زارداپ شەككەندەر سانى ارتتى. بۇل تۋرالى قىرعىزستان ىشكى ىستەر مينيسترلىگىنىڭ باسپا ءسوز قىزمەتى مالىمدەدى، - دەپ حابارلايدى اlmaty-akshamy.kz 24.kg-كە سىلتەمە جاساپ
قايعىلى وقيعا مادەني شارا كەزىندە بولعان. مەكتەپ وقۋشىلارى "ماناس" داستانىنان ءۇزىندى وقىپ، قويىلىم كورسەتىپ جاتقان. سول كەزدە "پورتەر" جۇك كولىگى تومەنگە قاراي ءجۇرىپ كەتىپ، بالالاردى قاعىپ وتە شىققان.
اقپارات پورتالىنىڭ مالىمەتىنشە، زارداپ شەككەندەردىڭ سانى 32 ادام بولدى. ولار بالالار مەن ءبىر ءمۇعالىم.
مەكتەپ وقۋشىلارىن سوعىپ كەتكەن جۇك كولىگىنىڭ جۇرگىزۋشىسى ۇستالدى. ول 48 جاستاعى جەرگىلىكتى تۇرعىن بولىپ شىقتى.
وقيعا ورنىنا ىشكى ىستەر ءمينيسترى ۇلانبەك نيازبەكوۆ بارىپ، ءىس ونىڭ جەكە باقىلاۋىندا بولاتىنىن جەتكىزگەن.