الەۋمەتتىك سالادا قىزمەت ەتەتىن مامانداردىڭ ەڭبەگىن باعالاۋ
الماتىدا ەڭ ۇزدىك الەۋمەتتىك قىزمەتكەرلەر ماراپاتتالدى. سالتاناتتى شارادا جەڭىمپازدارعا ديپلوم مەن باعالى سىيلىقتار تابىستالدى، دەپ حابارلايدى Almaty-akshamy.kz
بايقاۋدىڭ ماقساتى - الەۋمەتتىك سالادا قالتقىسىز قىزمەت ەتەتىن مامانداردىڭ ەڭبەگىن باعالاۋ. بۇگىندە الماتى قالاسىندا جالعىز قالعان قاريالار مەن مۇمكىندىگى شەكتەۋلى بالالارعا 2 مىڭنان استام الەۋمەتتىك قىزمەتكەر كومەك كورسەتىپ ءجۇر. سالتاناتتى شارادا ەڭ ۇزدىكتەرى ىرىكتەلدى. وزا شاپقان 37 مامانعا قۇرمەت كورسەتىلدى.
«ءوزىم دە مۇمكىندىگى شەكتەۋلى بالانىڭ اناسىمىن. مەن بۇل سالاعا بالام ارقىلى كەلدىم. قوعامدا وسىنداي بالالارعا وزگەرىستەر جاساسا ەكەن دەيمىز. قوعامعا كىرىكتىرسە ەكەن دەيمىز. ءقازىر جاستار قورىقپاي وسى سالاعا كەلىپ، جۇمىس ىستەسە ەكەن دەيمىز. كەڭ جۇرەكتى، سابىرلى جاندار عانا بۇل سالادا جۇمىس اتقارا الادى»، - دەيدى بايقاۋ جەڭىمپازى اقمارال تىلەپوۆا.