رەسپۋبليكا كوكتايعاق، تۇمان بولادى.
«قازگيدرومەت» ماماندارى 15-17 قاراشا كۇندەرى اۋا رايى قانداي بولاتىنىن بولجادى، دەپ حابارلايدى Almaty-akshamy.kz.
«رەسپۋبليكانىڭ اۋا-رايىنا ءالى دە اتلانتيكالىق سيكلون ءوز اسەرىن تيگىزەدى، جاۋىن-شاشىن، ەلدىڭ سولتۇستىگىندە، ورتالىعىندا، وڭتۇستىگىندە قاتتى جاۋىن-شاشىن (جاڭبىر، قار) بولجانادى. رەسپۋبليكا بويىنشا بۇرقاسىن، كوكتايعاق، تۇمان، قاتتى ەكپىندى جەل 15-28 م/س ساقتالادى، 15 قاراشادا قاراعاندى جانە جامبىل وبلىستارىندا 30 م/س جانە ودان دا اسا قاتتى جەل كۇتىلەدى. اپتانىڭ سوڭىندا سولتۇستىك-باتىس انتيسيكلونىنىڭ ەنۋىمەن جاۋىن-شاشىننىڭ توقتاۋى جانە تەمپەراتۋرا فونى تومەندەيدى دەپ كۇتىلۋدە»، - دەلىنگەن سينوپتيتەردىڭ بولجامىندا.
اۋا تەمپەراتۋراسى تۇندە سولتۇستىك، سولتۇستىك-باتىس، شىعىس جانە ورتالىقتا 10-20 ايازعا دەيىن، ال وڭتۇستىك، وڭتۇستىك-شىعىستا 2-10 اياز، تاۋلى ايماقتاردا 10-15 ايازعا دەيىن تومەندەۋى كۇتىلەدى.