جاڭا فورماتتاعى كونسەرت باتىردىڭ شىعارماشىلىعىنا تابىنۋشىلاردى بارىنشا كوبىرەك قامتۋعا مۇمكىندىك بەرەدى
ءانشى، كومپوزيتور باتىرحان شۇكەنوۆتىڭ 60 جىلدىق مەرەيتويىنا ورايلاستىرىلعان كونسەرتتى باستاپقىدا اباي الاڭىندا وتكىزۋ جوسپارلانعان. ءبىراق جاۋىندى-شاشىندى اۋا رايى بولۋ ىقتيمالدىعىنا بايلانىستى، ءىس-شارانى رەسپۋبليكا سارايىندا وتكىزۋ شەشىمى قابىلداندى. بۇل تۋرالى "باتىرحان شۇكەنوۆ" اتىنداعى قق ديرەكتورى نارگيز شۇكەنوۆا جۋرناليستەرگە بەرگەن سۇحباتىندا مالىمدەدى، دەپ حابارلايدى Almaty-akshamy.kz
رەسپۋبليكا سارايىنىڭ الدىندا كونسەرتتى ونلاين-ترانسلياسيالاۋ ءۇشىن LED-ەكراندار جانە دىبىستىق اپپارات ورناتىلادى.
«وسىنداي فورماتتىڭ ارقاسىندا كونسەرتتى كورەتىن كورەرمەندەر اۋديتورياسى كەڭىنەن قامتىلادى دەگەن سەنىمدەمىن. زاماناۋي تەحنولوگيالار كورەرمەنگە كونسەرتتى الاڭدا تۇرىپ تاماشالاعانداي اسەر ەتەدى دەپ ويلايمىن»، – دەدى نارگيز شۇكەنوۆا.
كونسەرتتىڭ كوركەمدىك جەتەكشىسى ق ر حالىق ءارتىسى ءجانيا اۋباكىروۆا كونسەرت باعدارالاماسىنا ءتۇرلى مۋزىكالىق باعىتتار بويىنشا ءتۇرلى جاس وكىلدەرى قاتىسادى دەپ مالىمدەدى.
كونسەرتتە باتىرحان شۇكەنوۆتىڭ كوپشىلىككە جاقسى تانىمال «وتان انا» البومىنان سۇيىكتى اندەر ورىندالادى. سونىمەن قاتار، ءانشىنىڭ "اراي" توبى قۇرامىندا ورىنداعان اندەرى، سونداي-اق، حالىق اندەرى شىرقالماق. ءانشىنىڭ حيت تۋىندىلارىن تانىمال قازاقستاندىق ارتىستەر مەن رۇستەم نۇرجىگىت، مارسەل، Jeltoksan، dudeontheguitar، شابا، Nasiafromasia، SoulNote، Makvin، Qazyna ۆوكالدى توبى ۇجىمدارى ورىندايدى.
ەستەرىڭىزگە سالا كەتەيىك، زالعا كىرگىسى كەلەتىندەردىڭ بارلىعىنا Ticketon-دا تىركەۋ اشىلدى، بيلەتتەر تەگىن تاراتىلدى. كونسەرتتى اۋىستىرۋ تۋرالى حابارلانعاننان كەيىن ءبىر تاۋلىكتەن از ۋاقىت ىشىندە 2000-نان استام بيلەت بروندالدى.
كونسەرت 20 مامىر كۇنى 19:30-دا وتەدى.