ساين كوشەسى – موڭكە بي كوشەسى ايىرىعى بويىنشا جوباعا تۇزەتۋ جۇرگىزىلۋدە
سونىمەن قاتار، اباي، ساين جانە اۋەزوۆ كوشەلەرىن ۇزارتۋ جۇمىستارى جۇرگىزىلۋدە. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى قالالىق موبيلدىلىك باسقارماسىنىڭ باسشىسى عاني مىرزاحانوۆ مالىمدەدى، دەپ حابارلايدى Almaty-akshamy.kz.
ع.مىرزاحانوۆتىڭ ايتۋىنشا، الماتىدا بۇقتىرما كوشەسى – قۇلجا تراكتىسى، سەيفۋللين داڭعىلى – جانسۇگىروۆ كوشەسى جانە ساين كوشەسى – موڭكە بي كوشەسى ءۇش جولايىرىقتىڭ قۇرىلىسى جالعاسۋدا.
بۇقتىرما كوشەسى – قۇلجا تراكتىسى جولايىرىعىندا جۇمىستار كەستەگە سايكەس جۇرگىزىلۋدە. قالا مەن وبلىس اۋماعى بويىنشا ساتىپ الۋ تولىعىمەن اياقتالدى. ءبىرىنشى جارتىجىلدىقتىڭ سوڭىنا دەيىن ەستاكادا مەن سەزدەر سالۋ بويىنشا قۇرىلىس-مونتاج جۇمىستارىن اياقتاۋ، سول ارقىلى كولىكتىڭ بارلىق باعىتتاردا ءجۇرۋىن قامتاماسىز ەتۋ جوسپارلانۋدا. اباتتاندىرۋمەن قوسا تولىق اياقتاۋ 2022 جىلدىڭ سوڭىنا دەيىن جوسپارلانىپ وتىر.
«سەيفۋللين داڭعىلى مەن جانسۇگىروۆ كوشەسىنىڭ قيىلىسىنا كەلەتىن بولساق، وندا دا ساتىپ الىنعان جول تەلىمدەرىندە جۇمىستار جۇرگىزىلۋدە. دەگەنمەن، جەتى ۋچاسكە ساتىپ الىنعان جوق. اتالعان ۋچاسكەلەر بويىنشا سوت راسىمدەرى جۇرگىزىلۋدە. قۇرىلىس-مونتاجداۋ جۇمىستارى وسى ۋچاسكەلەردى ساتىپ الۋ شاماسىنا قاراي ورىندالاتىن بولادى. جۇمىستاردى تولىق اياقتاۋ 2023 جىلعا جوسپارلانعان»، - دەپ اتاپ ءوتتى الماتى قالاسى قالالىق موبيلدىلىك باسقارماسىنىڭ باسشىسى
ساين كوشەسى – موڭكە بي كوشەسى ايىرىعى بويىنشا جوباعا تۇزەتۋ جۇرگىزىلۋدە. بيىلعى جىلى وسى جول ايرىعى بويىنشا قوزعالىس اشۋ جوسپارلانۋدا، ال جۇمىستاردى تولىق اياقتاۋ 2023 جىلعا جوسپارلانعان.
سپيكەرلەر ۇزىندىعى 6،4 كم اباي داڭعىلى، ساين كوشەسى جانە اۋەزوۆ كوشەسى دەپ اتالاتىن ءۇش كوشەنى تەسۋ جانە ۇزىندىعى 4،5 كم (1 ۋچاسكە – 2،2 كم، 2 ۋچاسكە – 2،3 كم) تولە بي كوشەسى بويىنشا ەكى ۋچاسكەنى تەسۋ تۋرالى ايتتى.
اباي داڭعىلىن تەسۋ بويىنشا ءبىرىنشى جارتىجىلدىقتىڭ سوڭىنا دەيىن جەر ءۇستى جاياۋ جۇرگىنشىلەر وتكەلدەرىن ورناتۋ مەن اباتتاندىرۋدى اياقتاۋ جوسپارلانۋدا. سونداي-اق، الماتى وبلىسىنىڭ اكىمدىگىمەن بىرلەسىپ اباي داڭعىلىن ءۇاااج-عا دەيىن ۇزارتۋ جۇمىستارى باستالادى.
ساين كوشەسىنىڭ رىسقۇلوۆ داڭعىلىنان موڭكە بي كوشەسىنە دەيىنگى ارالىعى 3،2 كم قۇرايدى، ۇزىندىعى 1،6 كم ۋچاسكەنىڭ دايىندىعى 70% قۇرايدى. باسقا ۋچاسكەدە 67 جەر ۋچاسكەسى ساتىپ الۋعا تۇسەدى، ونىڭ 54ء-ى ساتىپ الىندى، قالعان 13 ۋچاسكە بويىنشا جۇمىس ىسەلۋدە. قازىرگى ۋاقىتتا ساتىپ الىنعان ۋچاسكەلەردى بۇزۋ جانە ماتەريالداردى دايىنداۋ بويىنشا جۇمىستار جۇرگىزىلۋدە. تولىق اياقتاۋ 2023 جىلعا جوسپارلانعان.
اۋەزوۆ كوشەسىن گوگول كوشەسىنەن باستاپ سولتۇستىك باعىتتا گوگول كوشەسىنىڭ قيىلىسىندا جول توسەمىن جانە جابىننىڭ تومەنگى قاباتىن ورناتۋ، ينجەنەرلىك جەلىلەردى قايتا ورناتۋ جانە باعدارشام وبەكتىسىن سالۋ جۇمىستارى ورىندالدى. جالپى ۇزىندىعى 0،8 كم. جۇمىستىڭ تولىق اياقتالۋى 2022 جىلدىڭ ءبىرىنشى جارتىجىلدىعىنىڭ سوڭىنا جوسپارلانعان.
ع.مىرزاحانوۆ ياسساۋي كوشەسىنەن قالا شەكاراسىنا دەيىن باتىس باعىتتا ۇزىندىعى 4،5 كم بولاتىن تولە بي كوشەسىنىڭ قۇرىلىسى باستالعانىن حابارلادى. وبەكتىنىڭ قۇرىلىسىنا بولىنگەن شەكاراعا 270 مەنشىك يەسىنىڭ جىلجىمايتىن مۇلكى تۇسەدى، ونىڭ ىشىندە 29 وبەكتى ساتىپ الىندى، قالعان 241 ۋچاسكە بويىنشا جۇمىس جۇرگىزىلۋدە. دايىندىق جانە جۇمىلدىرۋ جۇمىستارى مەن ماتەريالداردى دايىنداۋ جۇرگىزىلۋدە. اعىمداعى جىلى الاتاۋ داڭعىلىنان «الما سيتي» تۇك-گە دەيىن جول جۇمىستارىن ورىنداۋ جانە ينجەنەرلىك جەلىلەردى قايتا ورناتۋ جوسپارلانۋدا. تولىق اياقتاۋ جەر ۋچاسكەلەرىن ساتىپ الۋ (الىپ قويۋ) بويىنشا 2023-2024 جىلدارعا جوسپارلانعان.