2022 جىلى شامامەن 10 كم جاڭا جول سالۋ جوسپارلانۋدا
2022 جىلى ۇزىندىعى 221 كم 224 كوشەگە، ونىڭ ىشىندە ۇزىندىعى 56،9 كم قالانىڭ 19 ماگيسترالدىق كوشەسىنە ورتاشا جوندەۋ جۇرگىزۋ جوسپارلانىپ وتىر. سونىمەن قاتار، اقجار شاعىن اۋدانىندا 48 شاقىرىم جاڭا جول سالۋ جوسپارلانعان. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالالىق موبيلدىلىك باسقارماسىنىڭ باسشىسى عاني مىرزاحانوۆ مالىمدەدى، دەپ حابارلايدى Almaty-akshamy.kz.
سپيكەردىڭ ايتۋىنشا، الماتى قالاسىندا كوشە-جول جەلىسىنىڭ ۇزىندىعى 3096 شاقىرىمدى قۇرايدى، ونىڭ 234 شاقىرىمىندا قاتتى جابىن جوق. جاقسى جانە قاناعاتتانارلىق جاعدايداعى جولدار ۇلەسىنىڭ كورسەتكىشىن 95%-عا دەيىن جاقسارتۋ ءۇشىن 2025 جىلعا قاراي 234 كم جاڭا جول سالۋ، ۇزىندىعى كەمىندە 200 كم جولدارعا جىل سايىن ورتاشا جوندەۋ جانە قالانىڭ بارلىق كوشە-جول جەلىسىن قامتي وتىرىپ، 350 مىڭ م2 استام اسفالتبەتون جابىنىنا اعىمداعى جوندەۋ جۇرگىزۋ جوسپارلانۋدا.
الماتى قالاسى قالالىق موبيلدىلىك باسقارماسىنىڭ باسشىسى عاني مىرزاحانوۆ قازىرگى ۋاقىتتا قالانىڭ العاباس، المەرەك جانە قايرات شاعىن اۋداندارىندا جۇمىستار جالعاسىپ جاتقانىن اتاپ ءوتتى. سونىمەن قاتار، اقجار شاعىن اۋدانىندا ۇزىندىعى 48 كم جاڭا جولداردىڭ قۇرىلىسى باستالدى.
«قايرات جانە المەرەك شاعىن اۋداندارى بويىنشا جۇمىستار ەنەرگوتيىمدىلىك جانە ينفراقۇرىلىمدىق دامۋ باسقارماسىمەن كەلىسە وتىرىپ، ينجەنەرلىك جەلىلەر قۇرىلىسىنىڭ اياقتالۋىنا قاراي جۇرگىزىلۋدە. العاباس شاعىن اۋدانى بويىنشا جۇمىستار اعىمداعى ايدىڭ سوڭىنا دەيىن جالعاسادى، جىل سوڭىنا دەيىن تاعى 9 كم جول سالۋ جوسپارلانعان. جول جۇمىستارى ەنەرگيا تيىمدىلىگى جانە ينفراقۇرىلىمدىق دامۋ باسقارماسىمەن ۇيلەستىرە وتىرىپ، ينجەنەرلىك جەلىلەر قۇرىلىسىنىڭ اياقتالۋىنا قاراي ورىندالۋدا»، - دەدى سپيكەر.
ول اقجار شاعىن اۋدانىندا جۇمىستار اعىمداعى جىلدىڭ ءساۋىر ايىندا باستالعانىن اتاپ ءوتتى. 2022 جىلى شامامەن 10 كم جاڭا جول سالۋ جوسپارلانۋدا. 2022 جىلدىڭ مامىر ايىنىڭ سوڭىنا دەيىن ۇزىندىعى 800 م ءتورت كوشە بويىنشا جول جابىندىسى جوسپارلانعان. تولىق اياقتاۋ 2023 جىلعى جەلتوقسانعا جوسپارلانعان.
شۇعىلا شاعىن اۋدانىندا تاعى 6،9 كم جاڭا جولدىڭ قۇرىلىسىن باستاۋ جوسپارلانۋدا. جول جۇمىستارى تاعى دا، ەنەرگوتيىمدىلىك جانە ينفراقۇرىلىمدىق دامۋ باسقارماسىمەن بىرلەسە وتىرىپ، ينجەنەرلىك جەلىلەر قۇرىلىسىنىڭ اياقتالۋىنا قاراي ورىندالادى.
قالالىق موبيلدىلىك باسقارماسىنىڭ باسشىسى الماتىداعى جولداردى ورتاشا جوندەۋ تۋرالى دا ايتىپ بەردى.
«بيىل ۇزىندىعى 221 كم بولاتىن 224 كوشەگە، ونىڭ ىشىندە ۇزىندىعى 56،9 كم بولاتىن قالانىڭ 19 ماگيسترالدى كوشەسىنە ورتاشا جوندەۋ جۇرگىزۋ جوسپارلانۋدا.سونداي-اق، اقبۇلاق، دارحان، قاراسۋ، تاستىبۇلاق، شۇعىلا جانە ت.ب. شاعىن اۋداندارداعى جولدار جوندەلەتىن بولادى»، - دەپ اتاپ ءوتتى ع. مىرزاحانوۆ.
ول سونداي-اق، قازىرگى ۋاقىتتا ورتاشا جوندەۋ اياسىندا جول-جوندەۋ جۇمىستارى 39 كوشەدە، ونىڭ ىشىندە جەتى ماگيسترالدى كوشەلەردە (ساين، اباي، رايىمبەك باتىر، وتەمىس ۇلى، قابانباي باتىر، شاگابۋتدينوۆ، ءاشىموۆ)، سونداي-اق تاستىبۇلاق، اقبۇلاق، وجەت، دۋمان، الاتاۋ (يافي) شاعىن اۋداندارىندا جۇرگىزىلىپ جاتقانىن اتاپ ءوتتى. ورتاشا جوندەۋ جۇمىستارىن اعىمداعى جىلدىڭ قىركۇيەك ايىنىڭ سوڭىنا دەيىن اياقتاۋ جوسپارلانۋدا.