الماتى اكىمى ەربولات دوسايەۆتىڭ قىزمەتىنىڭ ءۇش جىلى ىشىندە قالادا سۋمەن جابدىقتاۋ جۇيەسىن دامىتۋ بويىنشا جۇمىستاردىڭ ەداۋىر كولەمى ىسكە اسىرىلدى. ناتيجەسىندە 620 شاقىرىم جاڭا جەلىلەر سالىندى، بۇل حالىقتى ورتالىقتاندىرىلعان سۋمەن قامتۋدى 99،6% - عا دەيىن جەتكىزۋگە مۇمكىندىك بەردى (سالىستىرۋ ءۇشىن: 2022 جىلى-99،1%). سونىمەن بىرگە سۋ قۇبىرى جەلىلەرىنىڭ توزۋ دارەجەسى 56،4% - دان 52،86% - عا دەيىن تومەندەدى.
«كامەنسكوە پلاتو» شاعىناۋدانىندا جانە ىرگەلەس تۇرعىن الاپتارىندا - يۋبيلەينىي، كولساي جانە مۇزتاۋ-تۇراقتى سۋمەن جابدىقتاۋ ماسەلەسىن شەشۋگە ەرەكشە نازار اۋدارىلدى. بۇل اۋدانداردا بۇرىن سكۆاجينالاردىڭ تومەندەۋىنە جانە بەلسەندى دامۋعا بايلانىستى سۋ رەسۋرستارىنىڭ تۇراقتى تاپشىلىعى تىركەلگەن. تاپشىلىق تاۋلىگىنە 5 مىڭ تەكشە مەترگە دەيىن، نورماتيۆتىك قاجەتتىلىك كەزىندە شامامەن 8 مىڭ تەكشە مەتردى قۇرادى.
مەملەكەت باسشىسىنىڭ تاپسىرماسى اياسىندا سۋ ينفراقۇرىلىمىن دامىتۋ جوباسى ىسكە اسىرىلدى. «بالقاش» ستانسياسىندا جالپى كولەمى 7،3 مىڭ تەكشە مەتر بولاتىن 7 جاڭا رەزەرۆۋار سالىندى، 3 رەزەرۆۋار قايتا جاڭارتىلدى، ونىمدىلىگى تاۋلىگىنە 15،7 مىڭ تەكشە مەتر بولاتىن 3 جاڭا ۇڭعىما بۇرعىلاندى، جيىنتىق قۋاتى تاۋلىگىنە 22 مىڭ تەكشە مەتر بولاتىن 12 سورعى ورناتىلدى.
«كامەنسكوە پلاتو» شاعىناۋدانىندا جانە بۇرىن سۋ قۇبىرى جەلىلەرى بولماعان ىرگەلەس اۋدانداردا سۋمەن جابدىقتاۋدىڭ ماگيسترالدىق ينفراقۇرىلىمىن قۇرۋ ءۇشىن 6،1 شاقىرىم ماگيسترالدىق قۇبىرلاردىڭ قۇرىلىسى ورىندالدى.
قالانى سۋمەن جابدىقتاۋ جۇيەسىن ودان ءارى دامىتۋ جونىندەگى جۇمىس الماتىنىڭ تۇراقتى دامۋ جوسپارلارىنا جانە مەملەكەت باسشىسىنىڭ تاپسىرمالارىنا سايكەس جالعاسۋدا.