الماتى پوليسياسىنىڭ قىزمەتى مەملەكەت باسشىسى بەرگەن تاپسىرمالاردى ورىنداۋعا، سونداي-اق بارلىق سالاداعى قىزمەتتى جاقسارتۋعا باعىتتالعان.
جالپى، قالاداعى قىلمىستىق احۋال تۇراقتى جانە باقىلاۋدا. قىلمىستى اشۋ بويىنشا جۇمىستىڭ تيىمدىلىگى ارتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
قالالىق پد دەرەكتەرى بويىنشا، وسى جىلدىڭ التى ايىندا قالتا ۇرلىعى 3،8 ەسەگە، پاتەر ۇرلىعى 44%-عا، سونداي-اق كولىك سالونىنان بوتەننىڭ مۇلكىن ۇرلاۋ 47%-عا ازايعان. سونىمەن قاتار، جىل باسىنان بەرى كامەلەتكە تولماعاندار اراسىنداعى قىلمىس (-14،5%)، وتباسى-تۇرمىستىق قاتىناستار سالاسىنداعى قىلمىستىق قۇقىقبۇزۋشىلىقتار (-14،3%)، بۇرىن سوتتالعانداردىڭ زاڭسىز ارەكەتتەرى دە (-47،8%) تومەندەگەن.