ەندىگى ماقسات – توپتاسقان جوبالاردى جۇيەلى جۇزەگە اسىرۋ.
الماتى وبلىسىندا تۇڭعىش رەت «اسسامبلەيا جاستارىنىڭ» رەسپۋبليكالىق سلەتى ءوتتى، دەپ حابارلايدى Almaty-akshamy.kz Almaty.tv سىلتەمە جاساپ.
ەلىمىزدىڭ ءار ايماعىنان جينالعان بەلسەندىلەر ءوڭىردىڭ كورىكتى مەكەندەرىن ارالاپ، جاڭا قازاقستاندى قۇرۋ جولىندا ويلارىن ورتاعا سالدى. ءۇش كۇنگە سوزىلعان «اسساملبەيا جاستارىنىڭ» رەسپۋبليكالىق سلەتى قونايەۆ قالاسىندا قورىتىندىلاندى. ءماجىلىس دەپۋتاتتارى مەن وبلىس باسشىلىعى جاستاردىڭ ەل دامۋىن ايقىندايتىن ۇسىنىس تىلەكتەرىن تىڭدادى. ءبىرى كرەاتيۆتى يدەيالار پلاتفورماسى جوباسىن ۇسىنسا، ەندى ءبىرى جاستاردىڭ كوشباسشىلىق قابىلەتىن شىڭداۋ كەرەكتىگىن ايتادى. ەندىگى ماقسات – توپتاسقان جوبالاردى جۇيەلى جۇزەگە اسىرۋ.
«رەسپۋبليكالىق چەلەندجدى ۇسىندىق. «ءوز كورىكتى جەرىڭدى كورسەت» جانە «مەنتورلىق» بويىنشا جوبانى ۇسىندىق. جاڭا جوبالار، جاڭا يدەيالار بويىنشا پلاتفورماسىن ۇسىندىق. ەگەر دە قولداۋ تاپسا، جاڭا قازاقستاندا ءبىراز جوبا ىسكە اسىرىلاتىن بولادى»، – دەدى «اسسامبلەيا جاستارىنىڭ» الماتى وبلىسىنداعى ءتوراعاسى رۋفينا ۋسانوۆا.
ەلىمىزدىڭ ءتۇرلى وڭىرىنەن كەلگەن بەلسەندى جاستار جەتىسۋدىڭ كورىكتى جەرلەرىن ارالادى. الماتى وبلىسى - تۇمسا تابيعاتتىڭ ولكەسى. كولساي مەن قايىڭدى كولدەرى، شارىن شاتقالى سەكىلدى مەكەندەرگە ارنايى ساياحاتتادى.
«حالىق اسسامبلەياسىنىڭ نەگىزگى تاعى ءبىر پايداسى بۇكىل قازاقستان بويىنشا جاڭا دوس تابۋعا بولادى، جاڭا تانىس تابۋعا بولادى. بەلەستەردى باعىندىرۋعا ءبىز ءالى دە سەنەمىز جانە جاڭا قازاقستاندى دامىتۋعا ءوز ۇلەسىمىزدى قوسامىز»،– دەدى «اسسامبلەيا جاستارىنىڭ» الماتى وبلىسىنداعى مۇشەسى دانەل جارابايەۆا.
«اسسامبلەيا جاستارى» ەرىكتىلەر ۇيىمى 2018 جىلى پرەزيدەنت باستاماسىمەن قۇرىلعان ەدى. بۇگىندە وعان رەسپۋبليكا بويىنشا 6 مىڭنان استام ستۋدەنت تىركەلگەن.
«اسسامبلەيا جاستارى وزگە ۇلت وكىلدەرىمەن عانا جۇمىس ىستەيدى دەگەن تۇسىنىك بار. ال نەگىزى باعىتى – ەلدەگى جاستار ساياساتىنىڭ وڭ ءيميدجىن قالىپتاستىرۋ. تىڭعىلىقتى يدەيالاردى ىسكە اسىرۋ باعىتى بويىنشا ۇلەستەرىن قوسىپ كەلە جاتىر»، – دەدى «اسسامبلەيا جاستارىنىڭ» قىزىلوردا وبلىسىنداعى مۇشەسى ايبەك دايراباي.
ەلىمىزدىڭ ءار ايماعىنان جينالعان ەرىكتىلەر جينالىستى ادەتتەگىدەي عيماراتتا، رەسمي تۇردە ەمەس، اشىق اسپان استىندا، سۋ جاعاسىندا وتكىزۋدى ۇيعارعان. ەركىن فورماتتا ۇيىمداستىرىلعان شاراعا ءار قاتىسۋشى ءوزىنىڭ ۇسىنىس تىلەكتەرىن ءبولىستى. ايتا كەتەيىك، بۇل – اسسامبلەيا جاستارىنىڭ رەسپۋبليكالىق دەڭگەيدە وتكىزىلىپ وتىرعان العاشقى شاراسى. ەلىمىزدىڭ ءار ايماعىنان جينالعان جاستار الداعى ۋاقىتتا مۇنداي باسقوسۋ وتكىزۋدى داستۇرگە اينالدىرماق نيەتتە.